തിരുവനന്തപുരം: കോവിഡ് രോ​ഗവ്യാപനം കൂടുതലുള്ള ക്ലസ്റ്ററുകൾ മൈക്രോ കണ്ടെയ്‌ൻമെന്റ് സോണുകളാക്കാൻ സർക്കാർ തീരുമാനം. ഇതുസംബന്ധിച്ച് ഉത്തരവിറക്കി. തദ്ദേശ സ്ഥാപനങ്ങളുമായി ചേർന്ന് ജില്ലാ കലക്ടർമാർ ഉത്തരവ് ഉടൻ നടപ്പാക്കണമെന്നാണ് നിർദേശം. പരിശോധന, സമ്പർക്കപ്പട്ടിക തയാറാക്കൽ, ക്വാറന്റീൻ എന്നിവ ഫലപ്രദമാക്കാൻ ഉത്തരവിൽ പറയുന്നു. 

കോവിഡ് നിയന്ത്രണത്തിന് കലക്ടർമാർക്ക് കൂടുതൽ അധികാരം നൽകി പ്രാദേശിക നിയന്ത്രണം കടുപ്പിക്കാനാണ് സർക്കാർ ആലോചിക്കുന്നത്. ദീർഘനാൾ അടച്ചിടുന്നത് സാധാരണക്കാർക്ക് പ്രയാസം ഉണ്ടാക്കുന്നതിനാൽ ബദൽ ശാസ്ത്രീയ മാർഗങ്ങൾ കൊണ്ടുവരണമെന്നും മുഖ്യമന്ത്രി പറഞ്ഞു. ഇതിനായി വിദഗ്ധസമിതിയെ ചുമതലപ്പെടുത്തി. ഇതുസംബന്ധിച്ച് ബുധനാഴ്ചയ്ക്കകം റിപ്പോർട്ട് നൽകണമെന്നാണ് നിർദേശം.