തിരുവനന്തപുരം: സിപിഎം സംസ്ഥാ‌ന സെക്രട്ടറിയേറ്റ് യോ​ഗം ഇന്ന് ചേരും. തെരഞ്ഞെടുപ്പ് ഫലം വന്നതിന് ശേഷമുള്ള യോ​ഗത്തിൽ മന്ത്രിസഭാ രൂപീകരണമാണ് പ്രധാന അജണ്ട. 

സിപിഎമ്മിന്റെ 13 മന്ത്രി സ്ഥാനങ്ങളിൽ ആരൊക്കെ വേണമെന്നതിൽ ചർച്ച നടത്തും. എൽഡിഎഫിന്റെ ഉഭയകക്ഷി ചർച്ചകൾ ആരംഭിക്കുന്നതിന് മുൻപ് എത്ര മന്ത്രി സ്ഥാനങ്ങൾ ഏതൊക്കെ പാർട്ടികൾക്ക് എന്ന കാര്യത്തിലും സിപിഎം സംസ്ഥാന സെക്രട്ടറിയേറ്റിൽ ഇന്ന് കൂടിയാലോചനകൾ നടക്കും.

സിപിഐയുമായുള്ള ഉഭയകക്ഷി ചർച്ചയും ഇന്ന് നടന്നേക്കും. സംസ്ഥാന സമിതി കൂടി ചേർന്നതിന് ശേഷമാവും മന്ത്രിസഭ രൂപീകരണം സംബന്ധിച്ച പ്രഖ്യാപനം വരിക.