ആലപ്പുഴ : ആലപ്പുഴ വള്ളികുന്നത്ത് ഇന്ന് സിപിഎം ഹർത്താൽ. വിദ്യാർത്ഥിയെ കുത്തിക്കൊലപ്പെടുത്തിയതിൽ പ്രതിഷേധിച്ചാണ് കായംകുളം വള്ളികുന്നത്ത് സിപിഎം ഹർത്താലിന് ആഹ്വാനം ചെയ്തത്. 

പടയണിവട്ടം സ്വദേശി അഭിമന്യു എന്ന പതിനഞ്ചു വയസ്സുകാരനാണ് ഇന്നലെ രാത്രി കുത്തേറ്റു മരിച്ചത്. വള്ളികുന്നത്ത് പടയണിവട്ടം ക്ഷേത്രത്തിലെ ഉത്സവത്തിനിടെ ഉണ്ടായ സംഘര്‍ഷത്തിലാണ് അഭിമന്യുവിന് കുത്തേറ്റത്. 

നാല് പേരടങ്ങുന്ന സംഘമാണ് അഭിമന്യൂവിനെ കുത്തിയത്.  ആക്രമണത്തില്‍ പരിക്കേറ്റ മറ്റ് രണ്ട് പേരെ ആശുപത്രിയില്‍ പ്രവേശിപ്പിച്ചു. ആര്‍ എസ് എസ് ആണ് കൊലപാതകത്തിന് പിന്നിലെന്ന് സിപിഎം ആരോപിച്ചിട്ടുണ്ട്.