കൽപ്പറ്റ: സ്കൂൾ ​ഗ്രൗണ്ടിൽ കാറുകളുമായി വിദ്യാർഥികളുടെ അഭ്യാസ പ്രകടനം. കൽപ്പറ്റ എൻഎസ്എസ് സ്കൂളിലാണ് സംഭവം. ​ഗ്രൗണ്ടിൽ ആളുകൾ നിൽക്കെയാണ് പരിഭ്രാന്തി പരത്തുന്ന തരത്തിൽ വിദ്യാർഥികൾ അഭ്യാസ പ്രകടനം നടത്തിയത്.

സംഭവത്തിൽ വിദ്യാർഥികൾക്കെതിരെ കൽപ്പറ്റ പൊലീസ് കേസെടുത്തു. നാല് വാഹനങ്ങളും പിടിച്ചെടുത്തു.

പ്ലസ് ടു വിദ്യാർഥികളുടെ സെന്റ് ഓഫ് പാർട്ടിക്കിടെയാണ് വിദ്യാർഥികളുടെ അഭ്യാസ പ്രകടനം. കാറുകളും മറ്റു ചില വാഹനങ്ങളുമായി ​ഗ്രൗണ്ടിൽ തലങ്ങും വിലങ്ങും വേ​ഗതയിൽ ഓടിക്കുന്നതിന്റെ ദൃശ്യങ്ങളും പുറത്തു വന്നിട്ടുണ്ട്.

കേരളത്തിൽ ഒന്നര ലക്ഷം കോടിയുടെ നിക്ഷേപ വാ​ഗ്ദാനം; വമ്പൻ പ്രഖ്യാപനം

അതിനിടെ ​ഗ്രൗണ്ടിലൂടെ പോകാൻ ശ്രമിച്ചവരടക്കം പരിഭ്രാന്തിയിലായി. ​ഗ്രൗണ്ടിലൂടെ കടന്നു പോകാൻ ശ്രമിച്ച അധ്യാപികയും കുട്ടിയും ഭാ​ഗ്യം കൊണ്ടാണ് രക്ഷപ്പെട്ടത്. കാറുകൾ പാഞ്ഞു വരുന്നത് കണ്ട അവർ ​ഗ്രൗണ്ടിനു പുറത്തേക്ക് മാറി നൽക്കുകയായിരുന്നു.

പൊടി പാറ്റി വാ​ഹനങ്ങൾ അപകടകരമാം വിധത്തിൽ ഓടിക്കുന്നതിനിടെ രണ്ട് വാഹനങ്ങൾ കൂട്ടിയിച്ചു. വാഹനങ്ങളുമായി എത്തരുതെന്ന സ്കൂളിന്റെ കർശന നിർദ്ദേശം ലംഘിച്ചാണ് കുട്ടികൾ അഭ്യാസ പ്രകടനം നടത്തിയത്.