പാലക്കാട്: വാളയാർ ഡാമിൽ കുളിക്കാനിറങ്ങി ഒഴുക്കിൽപ്പെട്ടു കാണാതായ രണ്ടു വിദ്യാർത്ഥികളും മരിച്ചു. പൊള്ളാച്ചി സ്വദേശി തിരുപ്പതി, നാമക്കൽ സ്വദേശി ഷൺമുഖം എന്നിവരാണ് മരിച്ചത്. കോയമ്പത്തൂർ ധനലക്ഷ്മി ശ്രീനിവാസൻ എൻജിനീയറിങ്  കോളജിലെ ഒന്നാം വർഷ വിദ്യാര്‍ത്ഥികളാണ്. 

ഇവർക്കൊപ്പം ഒഴുക്കിൽപ്പെട്ട തൂത്തുക്കുടി സ്വദേശിയായ വിഷ്ണു കുമാറിനെ നിലവിളി കേട്ടെത്തിയ നാട്ടുകാരായ യുവാക്കൾ രക്ഷപ്പെടുത്തിയിരുന്നു. അപകടമുണ്ടായി മൂന്ന് മണിക്കൂറിന് ശേഷം ആദ്യം ഷൺമുഖത്തിന്റെയും തുടർന്ന് തിരുപ്പതിയുടെയും മൃതദേഹം കണ്ടെടുത്തു. 

വാളയാർ അതിർത്തിക്കപ്പുറം തമിഴ്നാട് ഭാഗത്തെ ഡാമിന്റെ വൃഷ്ടി പ്രദേശത്താണ് മൂന്ന് വിദ്യാർത്ഥികളും ഒഴുക്കിൽപ്പെട്ടത്. തമിഴ്നാട്ടിൽ നിന്നു വാളയാർ ഡാം കാണാനെത്തിയവരാണ് അപകടത്തിൽപ്പെട്ടത്.

ഈ വാര്‍ത്ത കൂടി വായിക്കൂ  

ബസിനടിയിലേക്ക് സ്‌കൂട്ടര്‍ ഇടിച്ചുകയറി; നിലമ്പൂരില്‍ യുവാവിന് ദാരുണാന്ത്യം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ