തൃശൂര്: ശക്തമായ നീരൊഴുക്കില് ജലനിരപ്പ് ഉയര്ന്നതിനെ തുടര്ന്ന് പെരിങ്ങല്ക്കുത്ത് ഡാം ഉടന് തുറക്കാന് ജില്ലാ കലക്ടര് നിര്ദ്ദേശം നല്കി. ജലനിരപ്പ് 423 മീറ്ററായി ഉയര്ന്നതോടെ ഡാമില് റെഡ് അലര്ട്ട് പ്രഖ്യാപിച്ച സാഹചര്യത്തിലാണിത്. 424 മീറ്ററാണ് ഡാമിന്റെ പരമാവധി ജലസംഭരണ ശേഷി.
ശക്തമായ മഴയെ തുടര്ന്ന് ഡാമിലേക്കുള്ള നീരൊഴുക്ക് വര്ധിച്ച സാഹചര്യത്തില് ഡാമിലെ ജലത്തിന്റെ അളവ് പരമാവധി ജലനിരപ്പായ 424 മീറ്ററില് ക്രമീകരിക്കുന്നതിന്റെ ഭാഗമായാണ് നടപടി. പ്രദേശവാസികള്ക്ക് ആവശ്യമായ മുന്നറിയിപ്പുകള് നല്കിയ ശേഷം ഡാമില് നിന്ന് അധിക ജലം ചാലക്കുടി പുഴയിലേക്ക് ഒഴുക്കിവിടാനാണ് നിര്ദേശം.പുഴയോരങ്ങളില് താമസിക്കുന്നവര് ജാഗ്രത പാലിക്കണമെന്നും ജില്ലാ കലക്ടര് നിര്ദ്ദേശം നല്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates