കോട്ടയം: പാമ്പാടിയില് കഴിഞ്ഞ ദിവസം നാട്ടുകാരെ കടിച്ച തെരുവുനായയ്ക്ക് പേവിഷബാധ സ്ഥിരീകരിച്ചു. പോസ്റ്റുമോര്ട്ടത്തിലാണ് പേവിഷബാധ സ്ഥിരീകരിച്ചത്.
വീട്ടില് കിടന്നുറങ്ങിയ സ്കൂള് വിദ്യാര്ഥിയടക്കം ഏഴു പേര്ക്കാണ് ഇന്നലെ നായയുടെ കടിയേറ്റത്. വയറിലും നെഞ്ചിലും ഉള്പ്പെടെ മുപ്പത്തിനാല് മുറിവുകളാണ് മിനിട്ടുകള് മാത്രം നീണ്ട നായ ആക്രമണത്തില് നിഷയ്ക്ക് ഉണ്ടായത്. വീട്ടില് ഉറങ്ങികിടക്കുന്നതിനിടെയാണ് നിഷയുടെ അയല്വാസിയായ ഏഴാം ക്ലാസുകാരന് സെബിന് കടി കിട്ടിയത്. ബഹളം കേട്ടെത്തിയ മറ്റ് അഞ്ച് പേര്ക്കും നായയുടെ കടിയേറ്റു. കടിയേറ്റവരെല്ലാം കോട്ടയം മെഡിക്കല് കോളജില് നിന്ന് പ്രതിരോധ കുത്തിവെപ്പ് എടുത്തു.
നായയെ നാട്ടുകാര് കൊന്നെങ്കിലും പ്രകോപനമില്ലാതെ നായ ആക്രമണം നടത്തിയത് പേവിഷബാധ ഉളളതുകൊണ്ടാണെന്ന് സംശയം ഉയര്ന്നിരുന്നു. പോസ്റ്റുമോര്ട്ടം റിപ്പോര്ട്ടിന്റെ അടിസ്ഥാനത്തില് തുടര് പ്രതിരോധ പ്രവര്ത്തനങ്ങള് സ്വീകരിക്കാനാണ് പഞ്ചായത്ത് തീരുമാനം.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates