തിരുവനന്തപുരം: സംസ്ഥാനത്ത് ഡ്രൈവിങ് ടെസ്റ്റില് കൂടുതല് പരിഷ്കാരം വരുത്തിയപ്പോള് മോട്ടോര് സൈക്കിള് വിത്ത് ഗിയര് വിഭാഗത്തില് വലിയ മാറ്റം. നിലവില് ഹാന്ഡില് ബാറില് ഗിയര് സെലക്ഷന് സംവിധാനമുള്ള മോട്ടോര് സൈക്കിള് ആണ് ടെസ്റ്റിന് ഉപയോഗിക്കുന്നത്. എന്നാല് പുതിയ പരിഷ്കാരം മെയ് ഒന്ന് മുതല് പ്രാബല്യത്തില് വരുന്നതോടെ, കാല്പാദം കൊണ്ട് പ്രവര്ത്തിപ്പിക്കാവുന്ന ഗിയര് സെലക്ഷന് സംവിധാനമുള്ള വണ്ടിയായിരിക്കണം ടെസ്റ്റിന് ഉപയോഗിക്കേണ്ടത്. കൂടാതെ 99 സിസിക്ക് മുകളിലായിരിക്കണം വണ്ടി. ഡ്രൈവിങ് ടെസിറ്റിന് ഓട്ടോമാറ്റിക് ഗിയര്, ഓട്ടോമാറ്റിക് ട്രാന്സ്മിഷനുള്ള വാഹനങ്ങളും ഇലക്ട്രിക് വാഹനങ്ങളും ഉപയോഗിക്കാന് പാടില്ലെന്നും ടാന്സ്പോര്ട്ട് കമ്മീഷണറുടെ സര്ക്കുലറില് പറയുന്നു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ട്രാന്സ്പോര്ട്ട് കമ്മീഷണര് അധ്യക്ഷനായ സമിതിയുടെ നിര്ദേശത്തിന്റെ അടിസ്ഥാനത്തിലാണ് സംസ്ഥാനത്ത് ഡ്രൈവിങ് ടെസ്റ്റുകള്ക്ക് കൂടുതല് നിയന്ത്രണങ്ങളും പരിഷ്കാരങ്ങളും ഏര്പ്പെടുത്തിയത്. പ്രതിദിനം ഒരു എംവിഐയുടെ നേതൃത്വത്തില് ഡ്രൈവിങ് ടെസ്റ്റ് നടത്തേണ്ട അപേക്ഷകരുടെ എണ്ണം 30 ആയി നിജപ്പെടുത്തി. ഡ്രൈവിങ് ടെസ്റ്റിന് ഓട്ടോമാറ്റിക് ഗിയര് ഉപയോഗിക്കാന് പാടില്ല. ഡ്രൈവിങ് സ്കൂളിലെ പരിശീലന വാഹനത്തിന്റെ കാലപ്പഴക്കം 15 വര്ഷമാക്കി. ഡ്രൈവിങ് ടെസ്റ്റിന് ഉപയോഗിക്കുന്ന വാഹനത്തില് ഡാഷ് ബോര്ഡ് ക്യാമറ സ്ഥാപിക്കണമെന്നും ഉത്തരവില് പറയുന്നു.
വാഹനങ്ങളുടെ റോഡ് ടെസ്റ്റ് റോഡിലൂടെ തന്നെ നടത്തണം. പ്രതിദിനം ഡ്രൈവിങ് ടെസ്റ്റ് നടത്തേണ്ട അപേക്ഷകരുടെ എണ്ണം 30 ആയി നിജപ്പെടുത്തി. 20 എണ്ണം പുതിയ അപേക്ഷകരും 10 എണ്ണം നേരത്തെ പരാജയപ്പെട്ടവരും. 30 എണ്ണത്തിലധികം ടെസ്റ്റ് നടത്തിയാല് ഉദ്യോഗസ്ഥനെതിരെ നടപടി സ്വീകരിക്കും. ലേണേഴ്സ് ടെസ്റ്റിന് അപേക്ഷിക്കുന്നവരുടെ എണ്ണവും ഇതനുസരിച്ച് നിജപ്പെടുത്തണം. ടെസ്റ്റില് എച്ച് എടുക്കുന്നത് ഒഴിവാക്കി.
കേന്ദ്ര മോട്ടോര് വാഹന ചട്ടത്തിലെ ചട്ടം 24 (3) (viii) പ്രകാരം കേന്ദ്ര സംസ്ഥാന സര്ക്കാരുകളും, സംസ്ഥാന സര്ക്കാരിന്റെ സാങ്കേതിക വിദ്യാഭ്യാസ വകുപ്പിന്റെ കീഴിലുള്ള ബോര്ഡുകളും അംഗീകാരം നല്കിയിട്ടുള്ള സ്ഥാപനങ്ങള് നടത്തുന്ന മോട്ടോര് മെക്കാനിക് അല്ലെങ്കില് മെക്കാനിക്കില് എന്ജിനീയറിങില് ഉള്ള യോഗ്യത വിജയകരമായി പൂര്ത്തിയാക്കിയവര്ക്ക് ഡ്രൈവിംഗ് സ്കൂള് ഇന്സ്ട്രക്ടര് ആകാമെന്ന് വ്യവസ്ഥ ചെയ്യുന്നുണ്ട്. അതിനാല് ഡ്രൈവിംഗ് സ്കൂള് ഇന്സ്ട്രക്ടര്മാരായി നിയമിക്കപ്പെടാനുള്ള യോഗ്യതയായി മേല് പറഞ്ഞ സ്ഥാപനങ്ങളില് നിന്നുള്ള റെഗുലര് കോഴ്സ് പാസായവരെ പരിഗണിക്കണെന്നും ട്രാന്സ്പോര്ട്ട് കമ്മീഷണറുടെ സര്ക്കുലറില് വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates