കൊച്ചി: മദ്യലഹരിയില്‍ വാഹനമോടിച്ച് അയല്‍വാസിയുടെ മതില്‍ തകര്‍ത്തയാള്‍ക്കെതിരേ പൊലീസ് കേസെടുത്തു. കൊച്ചി പള്ളുരുത്തിയിലാണ് സംഭവം. വാഹനമോടിച്ച സുരേഷിനെതിരേയാണ് കേസെടുത്തത്.

ശനിയാഴ്ച വൈകിട്ടോടെയാണ് സംഭവം. മദ്യലഹരിയിലായിരുന്ന സുരേഷ്, വാഹനം മുന്നോട്ടെടുക്കാന്‍ ശ്രമിക്കുന്നതിനിടെയാണ് അപകടമുണ്ടായത്. വളരെ വേഗത്തില്‍ മുന്നോട്ടുനീങ്ങിയ കാര്‍ തൊട്ടുമുന്നിലുള്ള അയല്‍വാസിയുടെ മതില്‍ ഇടിച്ചുതകര്‍ത്ത ശേഷമാണ് നിന്നത്. അപകടത്തിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്. 

അപകടം നടക്കുമ്പോള്‍ വാഹനത്തിന് സമീപത്തുണ്ടായിരുന്ന രണ്ട് ബൈക്ക് യാത്രികര്‍ ഉള്‍പ്പെടെ തലനാരിഴയ്ക്കാണ് രക്ഷപ്പെട്ടത്. സംഭവത്തില്‍ കസ്റ്റഡിയിലെടുത്ത പ്രതിയെ പോലീസ് ചോദ്യംചെയ്തുവരുകയാണ്.

ഈ വാര്‍ത്ത കൂടി വായിക്കൂ ഭര്‍ത്താവ് ആത്മഹത്യ ചെയ്തു; 26കാരി ആസിഡ് കുടിച്ച് ജീവനൊടുക്കി

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ