എറണാകുളം: എറണാകുളം കെഎസ്ആര്ടിസി സ്റ്റാന്ഡില് വയോധികയെ ഉപേക്ഷിച്ച നിലയില്. ആലപ്പുഴ തോട്ടപ്പള്ളി സ്വദേശി കമലാക്ഷിയെയാണ് നഗരത്തിലെ ബസ് സ്റ്റാന്ഡില് ഒറ്റപ്പെട്ട നിലയില് കണ്ടെത്തിയത്. ബന്ധുക്കള് രാവിലെ എറണാകുളം കെഎസ്ആര്ടിസി സ്റ്റാന്ഡില് ഉപേക്ഷിച്ചു പോയെന്നാണ് ആക്ഷേപം.
ആശുപത്രിയില് കൊണ്ടുപോകുന്നതായി അറിയിച്ച് ഭര്ത്താവും ബന്ധുക്കളുമാണ് ഇവിടെ ഇരുത്തിയതെന്നാണ് കമലാക്ഷി പൊലീസിനോട് പറഞ്ഞത്. രാവിലെ മുതല് വൈകിട്ട് വരെ വയോധിക ബസ് സ്റ്റാന്ഡില് തുടരുകയായിരുന്നു.
വ്യാഴാഴ്ച വൈകുന്നേരത്തോടെ കെഎസ്ആര്ടിസി ജീവനക്കാര് ആണ് വയോധികയുടെ വിവരം പൊലീസിനെ അറിയിച്ചത്. പൊലീസ് എത്തി ഇവരെ സംരക്ഷണ കേന്ദ്രത്തിലേക്ക് മാറ്റി. വയോധികയെ നാളെ ബന്ധുക്കളെത്തി കൂട്ടികൊണ്ടുപോകുമെന്നാണ് പറയുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates