തൃശൂര്‍: അതിരപ്പിള്ളിയില്‍ വിനോദസഞ്ചാരികളുടെ കാറിന് നേരെ കാട്ടാനയുടെ ആക്രമണം. സംസ്ഥാനപാതയായ ആനമല റോഡില്‍ ആനക്കയം മേഖലയിലാണ് വിനോദ സഞ്ചാരികളുടെ കാറിന് നേരെ ആക്രമണം ഉണ്ടായത്. കാറിലുള്ള സഞ്ചാരികള്‍ അത്ഭുതകരമായി രക്ഷപ്പെട്ടു. ഇന്നലെ വൈകീട്ട് ആറരയോടെയാണ് അപകടം.

റോഡരികില്‍ നിന്ന കാട്ടാന കാറിന് നേരെ പാഞ്ഞെത്തുകയായിരുന്നു. കാറിന്റെ ബോണറ്റ് ഇടിച്ചുതര്‍ത്തു. ഡ്രൈവര്‍ ഉടന്‍ തന്നെ കാര്‍ പിന്നോട്ട് എടുത്തതിനാല്‍ അപകടം ഒഴിവായി. എറണാകുളം സ്വദേശികളുടെ കാറാണ് ആന  ആക്രമിച്ചത്.

വാല്‍പ്പാറയില്‍ നിന്ന് മലക്കപ്പാറ വഴി എറണാകുളത്തേക്ക് പോകുകയായിരുന്ന നാലുപേരാണ് കാറിലുണ്ടായിരുന്നത്. ഈ സ്ഥലത്തുകൂടി വാഹനം ഓടിച്ചുപോകുന്നവര്‍ ജാഗ്രത പാലിക്കണമെന്ന് വനം വകുപ്പ് ഉദ്യോഗസ്ഥര്‍ അറിയിച്ചു.

ഈ വാര്‍ത്ത കൂടി വായിക്കൂ  

സൈബർ ആക്രമണത്തിൽ മനംനൊന്ത് ആത്മഹത്യ: ആതിരയുടെ സംസ്കാരം ഇന്ന്, യുവാവ് ഒളിവിൽ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ