പാലക്കാട്: ഒൻപതി തീവണ്ടികളിൽ മുൻകൂട്ടി റിസർവേഷനില്ലാതെ യാത്രചെയ്യാവുന്ന ജനറൽ കമ്പാർട്ട്‌മെന്റുകൾ ഏപ്രിൽ ഒന്ന് മുതൽ. നിലമ്പൂർ റോഡ്-കോട്ടയം ഉൾപ്പെടെയുള്ള വണ്ടികളിലാണ് ജനറൽ കമ്പാർട്ട്മെന്റുകൾ ആരംഭിക്കുന്നത്. 

മുൻകൂർ റിസർവ് ചെയ്തിരുന്നവർക്ക് റിസർവേഷൻ തുക തിരിച്ചു നൽകും

മേയ് ഒന്നിന് ജനറൽ കമ്പാർട്ടുമെന്റുകൾ ആരംഭിക്കുമെന്നാണ് നേരത്തെ റെയിൽവേ അറിയിച്ചിരുന്നത്.  ഈ ബോഗികളിലേക്കായി മുൻകൂർ റിസർവ് ചെയ്തിരുന്നവർക്ക് റിസർവേഷൻ തുക തിരിച്ചു നൽകും. റിസർവേഷൻ ഫോമിൽ ഇവർ നൽകിയിട്ടുള്ള മൊബൈൽ നമ്പറിലേക്ക് എസ്എംഎസ് സന്ദേശം നൽകിയിട്ടുണ്ടെന്നും റെയിൽവേ അറിയിച്ചു.

നിലമ്പൂർ റോഡ്-കോട്ടയം എക്‌സ്പ്രസ് കൂടാതെ മംഗളൂരു ജങ്ഷൻ- കൊച്ചുവേളി അന്ത്യോദയ സൂപ്പർ ഫാസ്റ്റ് എക്‌സ്പ്രസ്, കണ്ണൂർ-കോയമ്പത്തൂർ എക്‌സ്പ്രസ്, തിരുച്ചിറപ്പള്ളി-പാലക്കാട് ടൗൺ എക്‌സ്പ്രസ്, മംഗളൂരു സെൻട്രൽ-കോഴിക്കോട് എക്‌സ്പ്രസ് എന്നീ തീവണ്ടികളിലാണ് ജനറൽ കമ്പാർട്ട്മെന്റുകൾ ആരംഭിക്കുന്നത്.