കൊല്ലം: ശമ്പളത്തിൽ നിന്ന് പിടിച്ച തുക തിരികെ കിട്ടാൻ സർക്കാർ ജീവനക്കാർ ഇനിയും കാത്തിരിക്കണം. ഏപ്രിൽ മുതൽ 5 തവണയായി നൽകുമെന്നായിരുന്നു സർക്കാർ പറഞ്ഞിരുന്നത്. എന്നാൽ മേയ് മുതൽ 5 ഗഡുക്കളായി നൽകുമെന്നു ധനമന്ത്രി തോമസ് ഐസക് പറഞ്ഞു. 

ശമ്പള വർധന ഉൾപ്പെടെ നടപ്പാകുന്നതിനാൽ ഈ മാസം സെർവറിൽ ഉണ്ടാകാനിടയുള്ള തിരക്കും മറ്റും കണക്കിലെടുത്താണിത് എന്നാണ് മന്ത്രിയുടെ വിശദീകരണം. ട്രഷറികൾ ദുഃഖവെള്ളി, ഈസ്റ്റർ ദിവസങ്ങളിൽ പ്രവർത്തിക്കും. ജീവനക്കാർക്കു നിയന്ത്രിത അവധി അനുവദിച്ചിട്ടുണ്ട്. ശമ്പള –പെൻഷൻ വിതരണം മൂന്നു ദിവസത്തിനുള്ളിൽ പൂർത്തിയാക്കുമെന്നും മന്ത്രി പറഞ്ഞു.