തിരുവനന്തപുരം: കെടിഡിഎഫ്സി ചെയര്‍മാന്‍ സ്ഥാനം കെഎസ്ആര്‍ടിസി സി.എംഡി ബിജു പ്രഭാകറിന് നല്‍കി സര്‍ക്കാര്‍ ഉത്തരവ്. ബി.അശോക് ഐ.എ.എസിന് പകരമായാണ് ബിജു പ്രഭാകറിന്റെ  നിയമനം. വായ്പാ തിരിച്ചടവിനെ ചൊല്ലി കെ.ടി.ഡി.എഫ്.സി - കെഎസ്ആര്‍ടിസി തര്‍ക്കം നിലനില്‍ക്കുന്ന പശ്ചാത്തലത്തിലാണ് ചുമതല മാറ്റം.

കെ.ടി.ഡി.എഫ്.സി നഷ്ടത്തില്‍ ആകാനുള്ള കാരണം കെ.എസ്.ആര്‍.ടി.സി ആണെന്ന തരത്തില്‍ ബി.അശോക് ഐ.എ.എസ് പത്രക്കുറിപ്പ് ഇറക്കിയിരുന്നു. എന്നാല്‍ കെ.ടി.ഡി.എഫ്.സി വാദത്തെ തള്ളി അന്നത്തെ കെ.എസ്.ആര്‍.ടി.സി സി.എം.ഡി ബിജു പ്രഭാകര്‍ രംഗത്തുവന്നു.

2015 ല്‍ കെ.ടി.ഡി.എഫ്.സിയില്‍ നിന്ന് കെ.എസ്.ആര്‍.ടി.സി കടം എടുത്ത 595 കോടി രൂപ 915 കോടിയായി തിരിച്ചടക്കണമെന്നും കെ.ടി.ഡി.എഫ്.സി അറിയിച്ചിരുന്നു. ഈ തുക അടക്കാത്തപക്ഷം കെ.എസ്.ആര്‍.ടി.സിക്ക് ജപ്തി നോട്ടീസ് അടക്കം അയച്ചിരുന്നു.

ഈ വാര്‍ത്ത കൂടി വായിക്കൂ 

''ടീച്ചറേ, അതു നടന്നുപൊയ്‌ക്കോട്ടെ'; വോട്ടെണ്ണലില്‍ ദേവസ്വം ബോര്‍ഡ് പ്രസിഡന്റ് ഇടപെട്ടെന്ന് പ്രിന്‍സിപ്പല്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ