തിരുവനന്തപുരം: അരിക്കൊമ്പൻ ദൗത്യത്തിന്റെ ഭാ​ഗമായുള്ള ജിപിഎസ് കോളർ ഇന്ന് സംസ്ഥാനത്ത് എത്തും. ആനയെ പിടികൂടി കാട്ടിൽ വിടുമ്പോൾ ഘടിപ്പിക്കുന്നതിനായാണ് ജിപിഎസ് കോളർ അസമിൽ നിന്നു എത്തിക്കുന്നത്. വേൾഡ് വൈഡ് ഫണ്ട് നേച്ചർ എന്ന സംഘടനയുടെ കൈവശമുള്ള ജിപിഎസ് കോളറാണ് കേരളത്തിലേക്ക് കൊണ്ടു വരുന്നത്. 

എയർ കാർ​ഗോ വഴി നെടുമ്പാശ്ശേരിയിലാണ് കോളർ എത്തിക്കുക. ഇവിടെ നിന്നു വനം വകുപ്പ് ഇതു ഏറ്റുവാങ്ങി ദേവികുളത്തേക്ക് കൊണ്ടു വരും. 

അതേസമയം കോടതിയിൽ നിന്നുണ്ടാകുന്ന തീർപ്പിന് അനുസരിച്ചായിരിക്കും ഇത് ഘടിപ്പിച്ച് കാട്ടിൽ വിടുന്നതടക്കമുള്ള തീരുമാനം. ഒരേ ദൗത്യത്തിന് രണ്ട് ജിപിഎസ് കോളറുകൾ അനുവദിച്ചത് ആശയക്കുഴപ്പമുണ്ടാക്കിയിരുന്നു. ഇതേത്തുടർന്നാണ് ബംഗളൂരുവിൽ നിന്നുള്ളത് വേണ്ടെന്നു വച്ചു.

ഈ വാര്‍ത്ത കൂടി വായിക്കൂ 

മദ്യപാനത്തിനിടെ തർക്കം; മുഖത്ത് മുറിവേറ്റ നിലയിൽ റോഡരികിൽ; യുവാവിനെ മർദ്ദിച്ച് കൊന്നു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ