ശബരിമല സ്വർണക്കവർച്ച കേസിലെ മുഖ്യപ്രതി ഉണ്ണികൃഷ്ണൻ പോറ്റിയുടെ വീട്ടിൽ നിന്നു സുപ്രധാന രേഖകളും ഹാർഡ് ഡിസ്കും പിടിച്ചെടുത്തു. ഇരട്ട ന്യൂനമർദ്ദവും ചക്രവാതച്ചുഴിയും മൂലം സംസ്ഥാനത്ത് ഇന്ന് തീവ്രമഴയ്ക്ക് സാധ്യതയെന്ന് മുന്നറിയിപ്പ്. ഇന്നത്തെ 5 പ്രധാനവാർത്തകൾ ( Top 5 News Today ) അറിയാം.

ശബരിമല സ്വർണക്കവർച്ച കേസിലെ മുഖ്യപ്രതി ഉണ്ണികൃഷ്ണൻ പോറ്റിയുടെ വീട്ടിൽ നിന്നു സുപ്രധാന രേഖകളും ഹാർഡ് ഡിസ്കും സ്വർണവും പണവും പ്രത്യേക അന്വേഷണ സംഘം പിടിച്ചെടുത്തു. പോറ്റിയെ ചോദ്യം ചെയ്യുന്നത് നാലാം ദിവസവും തുടരുകയാണ്. 

ഇരട്ട ന്യൂനമര്‍ദ്ദം, ചക്രവാതച്ചുഴി എന്നിവയുടെ സ്വാധീനഫലമായി സംസ്ഥാനത്ത് ഇന്ന് തീവ്ര മഴയ്ക്ക് സാധ്യതയെന്ന് മുന്നറിയിപ്പ്. ഇടിമിന്നലോടു കൂടിയ ശക്തമായ മഴയ്ക്കും, പലയിടത്തും മിന്നല്‍പ്രളയങ്ങള്‍ക്കും സാധ്യതയുണ്ട്. നാലു ജില്ലകളിൽ ഓറഞ്ച് അലർട്ട് പുറപ്പെടുവിച്ചിട്ടുണ്ട്.

ഇടുക്കിയില്‍ തുടരുന്ന കനത്ത മഴയെത്തുടര്‍ന്ന് മുല്ലപ്പെരിയാര്‍ അണക്കെട്ടില്‍ ജലനിരപ്പ് ഉയരുകയാണ്. ഡാമിലെ ജലനിരപ്പ് ഇപ്പോള്‍ 139.30 അടിയായി. അണക്കെട്ടിന്റെ 13 ഷട്ടറുകള്‍ തുറന്ന് വെള്ളം പുറത്തേക്ക് ഒഴുക്കിക്കൊണ്ടിരിക്കുകയാണ്.

ശബരിമല സ്വർണക്കവർച്ചയിൽ ഇപ്പോഴത്തെ അന്വേഷണത്തില്‍ തൃപ്തിയില്ലെന്ന് കെ മുരളീധരൻ. ഇവരൊക്കെ പിണറായിക്ക് കീഴിലുള്ള ഉദ്യോഗസ്ഥരാണ്. സിബിഐയെയും വിശ്വാസമില്ല. അതിനാൽ കോടതിയുടെ മേല്‍നോട്ടത്തില്‍ സിബിഐ അന്വേഷിക്കുകയാണ് വേണ്ടതെന്നും മുരളീധരൻ പറഞ്ഞു

ഇന്ത്യയും ഓസ്‌ട്രേലിയയും തമ്മിലുള്ള ഏകദിന ക്രിക്കറ്റ്‌ മത്സര പരമ്പരക്ക്‌ ഇന്ന്‌ തുടക്കം. പെർത്ത്‌ സ്‌റ്റേഡിയത്തിൽ ഇന്ത്യൻ സമയം രാവിലെ ഒമ്പതിനാണ്‌ മത്സരം. ഇ‍ടവേളയ്‌ക്കുശേഷം വിരാട്‌ കോഹ്‌ലിയും രോഹിത്‌ ശർമയും ഇന്ന് കളിക്കാനിറങ്ങുന്നു. ശുഭ്മാൻ ​ഗില്ലാണ് ഇന്ത്യൻ നായകൻ. മിച്ചൽ മാർഷാണ് ഓസീസിനെ നയിക്കുന്നത്.