കൊല്‍ക്കത്തയില്‍ ദുര്‍ഗാപൂജയ്ക്കിടെയുണ്ടായ അപകടത്തില്‍ മരണസംഖ്യ ഉയരുന്നു. മരണം 19 ആയി. കേരളത്തില്‍ ഇന്നും ഒറ്റപ്പെട്ട അതിശക്ത മഴയ്ക്ക് സാധ്യതയെന്ന് കാലാവസ്ഥ വകുപ്പ്. ഐഎസ്എല്ലില്‍ വിജയം തുടരാന്‍ ബ്ലാസ്റ്റേഴ്‌സ് ഇന്നിറങ്ങുന്നു. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം

ദുര്‍ഗാപൂജ ആഘോഷങ്ങള്‍ക്കിടെ കൊല്‍ക്കൊത്തയിലുണ്ടായ ദുരന്തത്തില്‍ മരണം 19 ആയി. മരിച്ചവരില്‍ 13 സ്ത്രീകളും ഒരു കുട്ടിയും ഉള്‍പ്പെടുന്നു. പരിക്കേറ്റ 35 പേര്‍ ആശുപത്രിയില്‍ ചികിത്സയിലാണ്. ശാരദാ പാര്‍ക്കിലെ പൂജ ആഘോഷങ്ങളുടെ സംഘാടകരുള്‍പ്പെടെ 10 പേരെ അറസ്റ്റ് ചെയ്തതായി പൊലീസ് വ്യക്തമാക്കി.

 ഗ്വാളിയാറില്‍ തീര്‍ത്ഥാടകര്‍ക്കിടയിലേക്ക് നിയന്ത്രണം വിട്ട ട്രക്ക് പാഞ്ഞു കയറി 12 പേര്‍ മരിച്ചു. 39 പേര്‍ക്ക് പരിക്കേല്‍ക്കുയും ചെയ്തു. ഗ്വാളിയാറിലെ ഷീത്‌ല മാതാ ക്ഷേത്രത്തിന് സമീപം ഇന്ന് പുലര്‍ച്ചെയാണ് സംഭവം. ഭക്തര്‍ക്കിടയിലേക്ക് ചിന്നോര്‍ ഭാഗത്തു നിന്ന് വന്ന നെല്ല് കയറ്റിയ ട്രക്ക് പാഞ്ഞു കയറുകയായിരുന്നു.

സംസ്ഥാനത്ത് ഇന്നും ഒറ്റപ്പെട്ട ശക്തമായ മഴയ്ക്ക് സാധ്യത. വടക്കന്‍ കേരളത്തില്‍ മഴ കനക്കുമെന്നാണ് കാലാവസ്ഥ വകുപ്പിന്റെ മുന്നറിയിപ്പ്. വടക്കന്‍ കേരളത്തിലെ അഞ്ചു ജില്ലകളിലാണ് ഇന്ന് യെല്ലോ അലര്‍ട്ട് പുറപ്പെടുവിച്ചിട്ടുള്ളത്. കാസര്‍കോട്, കണ്ണൂര്‍, വയനാട്, കോഴിക്കോട്, മലപ്പുറം ജില്ലകളിലാണ് അതിശക്ത മഴ മുന്നറിയിപ്പുള്ളത്.

ഇന്ത്യന്‍ സൂപ്പര്‍ ലീഗില്‍ വിജയത്തുടര്‍ച്ച ലക്ഷ്യമിട്ട് കേരള ബ്ലാസ്റ്റേഴ്‌സ് ഇന്നിറങ്ങുന്നു. നോര്‍ത്ത് ഈസ്റ്റ് യുണൈറ്റഡ് ആണ് എതിരാളികള്‍. ഗുവാഹത്തി ഇന്ദിരാഗാന്ധി അത്‌ലറ്റിക് സ്‌റ്റേഡിയത്തില്‍ രാത്രി 7. 30 നാണ് മത്സരം ആരംഭിക്കുക. വമ്പന്മാരായ മോഹന്‍ ബഗാനെ പരാജയപ്പെടുത്തിയതിന്റെ ആത്മവിശ്വാസത്തിലാണ് നോര്‍ത്ത് ഈസ്റ്റ് യുണൈറ്റഡ്.

വാഹനം വാങ്ങുന്നതിനോ മാറ്റുന്നതിനോ അനുകൂലമായ സാഹചര്യമുണ്ടാകും. പ്രണയബന്ധത്തിലെ പിണക്കം മാറി അടുപ്പം വർധിക്കും. ബന്ധുവിന്റെ വിവാഹനിശ്ചയത്തിൽ പങ്കെടുക്കും. കച്ചവടത്തിൽ പ്രതീക്ഷിച്ച നേട്ടം കൈവരിക്കാൻ കഴിയും. ബാങ്കുമായി ബന്ധപ്പെട്ട നടപടികൾക്ക് അനുകൂലമായ മറുപടി ലഭിക്കും. മക്കളുടെ വിദ്യാഭ്യാസ കാര്യത്തിൽ സന്തോഷകരമായ പുരോഗതിയുണ്ടാകും.