കൊച്ചി : പൊതുമേഖല സ്ഥാപനങ്ങളിലെ താത്ക്കാലികക്കാരെ സ്ഥിരപ്പെടുത്തുന്ന സര്ക്കാര് നടപടികള് ഹൈക്കോടതി സ്റ്റേ ചെയ്തു. ഇതുവരെ താത്ക്കാലികക്കാരെ സ്ഥിരപ്പെടുത്തുന്ന നടപടികള് പൂര്ത്തീകരിക്കാത്ത നിയമനങ്ങള് മരവിപ്പിക്കാന് ഹൈക്കോടതി ഉത്തരവിട്ടു. 10 വര്ഷമായി ജോലിചെയ്യുന്ന താത്ക്കാലികക്കാരെ സ്ഥിരപ്പെടുത്തിയതാണ് ഹൈക്കോടതിയില് ചോദ്യം ചെയ്തത്.
പിഎസ്സി റാങ്ക് ഹോള്ഡേഴ്സിന്റേതടക്കം ആറ് ഹര്ജികളാണ് കോടതി പരിഗണിച്ചത്. സംസ്ഥാന സര്ക്കാര് നേരത്തെ 10 വര്ഷം പൂര്ത്തീകരികരിച്ച താത്ക്കാലികക്കാരെ വിവിധ സ്ഥാപനങ്ങളില് സ്ഥിരപ്പെടുത്താന് ഉത്തരവിറക്കിയിരുന്നു. ആ ഉത്തരവ് അടിസ്ഥാനമാക്കി താത്ക്കാലികക്കാരെ സ്ഥിരപ്പെടുത്തുന്ന നടപടികള് ഇനിയും പൂര്ത്തീയാവാന് ബാക്കിയുളള നിയമനങ്ങളിലുള്ള തുടര് നടപടികളാണ് ഹൈക്കോടതി മരവിപ്പിച്ചത്.
12-ാം തീയതി കോടതി ഹര്ജിയില് വിശദമായ വാദം കേള്ക്കും. അതുവരെ തുടര്നടപടികള് പാടില്ലെന്നാണ് ഹൈക്കോടതി വ്യക്തമാക്കിയത്.
സ്ഥിരപ്പെടുത്തുന്നതുമായി ബന്ധപ്പെട്ട് സര്ക്കാര് നടപടിക്രമങ്ങള് പൂര്ത്തീകരിച്ചിട്ടുണ്ടെങ്കില് അതിന് ഈ ഉത്തരവ് ബാധകമായിരിക്കില്ല എന്നും ഹൈക്കോടതി വ്യക്തമാക്കിയിട്ടുണ്ട്. തങ്ങള് പിഎസ്സി ലിസ്റ്റില് ഉള്പ്പെട്ടവരാണ്. തങ്ങള് പുറത്ത് നില്ക്കുമ്പോഴാണ് താത്ക്കാലികക്കാരെ നിയമിക്കുന്നുവെന്നതാണ് ഹര്ജിക്കാരുടെ പരാതി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates