തൃശൂര്‍: തൃശൂര്‍ മാപ്രാണം കുഴിക്കാട്ട് കോണത്ത് കുറുനരിയെ വിഴുങ്ങിയ മലമ്പാമ്പിനെ പിടികൂടി. സമീപത്തെ ക്ഷേത്രത്തിനടുത്താണ് കുറ്റിക്കാട്ടില്‍ ഇരയെ വിഴുങ്ങി വീര്‍ത്ത നിലയില്‍ മലമ്പാമ്പിനെ കണ്ടെത്തിയത്. അനങ്ങാതെ കിടന്ന പാമ്പിനെ തളിക്കുളം ആനിമല്‍ കെയര്‍ സൊസൈറ്റി പ്രവര്‍ത്തകരെത്തിയാണ് പിടികൂടിയത്.

പരിസ്ഥിതി പ്രവര്‍ത്തകന്‍ ഷബിറിന്റെ നേതൃത്വത്തില്‍ പിടികൂടിയ പാമ്പിനെ വനം വകുപ്പ് അധികൃതര്‍ക്ക് കൈമാറി. വലിയ കുരുനരിയെയാണ് മലമ്പാമ്പ് വിഴുങ്ങിയതെന്ന് തളിക്കുളം ആനിമല്‍ കെയര്‍ സൊസൈറ്റി പ്രവര്‍ത്തകര്‍ പറഞ്ഞു.

കനോലി കനാലിലൂടെ മലമ്പാമ്പുകള്‍ ഒഴുകി വരുന്നത് പതിവാണ്. ഈ പ്രദേശത്ത് വളര്‍ത്തു നായയേയും പൂച്ചയേയും കാണാതാകുന്നതും പതിവായിരുന്നു.