പ്രവീണ്‍ കുമാര്‍ എംഎല്‍എ ചെക്ക് കലക്ടര്‍ക്ക് കൈമാറുന്നു 
Kerala

കെഎസ്ആര്‍ടിസിക്ക് വീണ്ടും ബസ്; ഇത്തവണ എംഎല്‍എ ഫണ്ടിലൂടെ; തുടക്കമിട്ട് പ്രവീണ്‍ കുമാര്‍

കൊയിലാണ്ടി നിയോജകമണ്ഡലത്തിലെ യാത്രാക്ലേശം പരിഹരിക്കുന്നതിനും പൊതുഗതാഗത സംവിധാനത്തെ കൂടുതല്‍ ശക്തിപ്പെടുത്തുന്നതിനുമാണ് പുതിയ ബസ് ലഭ്യമാക്കുന്നത്.

Author : സമകാലിക മലയാളം ഡെസ്ക്
Edited By : Sujith

കോഴിക്കോട്: പൊതുഗതാഗതം ശക്തിപ്പെടുത്തുന്നതിനായി എംഎല്‍എ ഫണ്ട് ഉപയോഗിച്ച് കെ.എസ്.ആര്‍.ടി.സി.യ്ക്ക് പുതിയ ബസ് വാങ്ങുന്നതിനുള്ള നടപടികള്‍ക്ക് തുടക്കമായി. കേരളത്തില്‍ ആദ്യമായി എംഎല്‍എ ഫണ്ടില്‍ നിന്ന് കെ.എസ്.ആര്‍.ടി.സി. ബസ് വാങ്ങുന്നതിനായി തുക അനുവദിച്ചത് കൊയിലാണ്ടി എംഎല്‍എ അഡ്വ. കെ. പ്രവീണ്‍ കുമാര്‍ ആണ്. പുതിയ ബസ് വാങ്ങുന്നതിനായി 40 ലക്ഷം രൂപയുടെ പ്രൊപ്പോസല്‍ എംഎല്‍എ കോഴിക്കോട് ജില്ലാ കലക്ടര്‍ എംഎസ് മാധവിക്കുട്ടിക്ക് കൈമാറി. കോഴിക്കോട് ജില്ലാ കലക്ടറുടെ ചേംബറില്‍ നടന്ന ചടങ്ങിലാണ് പദ്ധതിയുമായി ബന്ധപ്പെട്ട നടപടികള്‍ക്ക് തുടക്കമായത്.

എംഎല്‍എ ഫണ്ട് ഉപയോഗിച്ച് കെ.എസ്.ആര്‍.ടി.സി. ബസ് വാങ്ങുന്നതിനായി തുക നീക്കിവയ്ക്കുന്ന സംസ്ഥാനത്തെ ആദ്യ എംഎല്‍എ എന്ന നിലയില്‍ ഈ പദ്ധതി ശ്രദ്ധേയമാണ്. കൊയിലാണ്ടി നിയോജകമണ്ഡലത്തിലെ യാത്രാക്ലേശം പരിഹരിക്കുന്നതിനും പൊതുഗതാഗത സംവിധാനത്തെ കൂടുതല്‍ ശക്തിപ്പെടുത്തുന്നതിനുമാണ് പുതിയ ബസ് ലഭ്യമാക്കുന്നത്. ബസ് സര്‍വീസ് നടത്തേണ്ട റൂട്ട് ജനപ്രതിനിധികളുമായി ആലോചിച്ച് പിന്നീട് തീരുമാനിക്കുമെന്ന് എംഎല്‍എ അറിയിച്ചു.

തിരുവനന്തപുരം നിയോജകമണ്ഡലത്തിലെ എംഎല്‍എ കൂടിയായ ഗതാഗത വകുപ്പ് മന്ത്രി സി.പി.ജോണ്‍ ഉള്‍പ്പെടെയുള്ള നിരവധി എംഎല്‍എമാര്‍ കെഎസ്ആര്‍ടിസിക്ക് ബസ് വാങ്ങി നല്‍കുന്നതിനായി സന്നദ്ധത അറിയിച്ചിട്ടുണ്ട്. ജനങ്ങളുടെ യാത്രാസൗകര്യം മെച്ചപ്പെടുത്തുന്നതിനും കൂടുതല്‍ പ്രദേശങ്ങളിലേക്ക് കെ.എസ്.ആര്‍.ടി.സി. സേവനം വ്യാപിപ്പിക്കുന്നതിനുമുള്ള ഇത്തരം ജനകീയ ഇടപെടലുകള്‍ പൊതുഗതാഗത രംഗത്തിന് കൂടുതല്‍ കരുത്തേകും.

In a First, KSRTC Gets New Bus Funded by MLA Scheme

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

543 സീറ്റുകള്‍ മതിയോ, 850 ആക്കണോ? മണ്ഡല പുനര്‍നിര്‍ണയത്തിന് ബിജെപിയുടെ 'ത്രിദിന പദ്ധതി', നാല് ആവശ്യങ്ങളുമായി പ്രതിപക്ഷം

ഇടുക്കിയില്‍ പുരയിടത്തില്‍ നവജാത ശിശുവിന്റെ മൃതദേഹം; മൂന്ന് ദിവസം പ്രായമുള്ള ആണ്‍കുഞ്ഞ്

'നേപ്പാളുമായുള്ള സൗഹൃദത്തെ ഇന്ത്യ വില മതിക്കുന്നു'; കേന്ദ്രമന്ത്രി ജയ്ശങ്കറുമായി കൂടിക്കാഴ്ച നടത്തി ബാലേന്ദ്ര ഷാ

ഗോവന്‍ ചലച്ചിത്ര മേളയില്‍ 'രാമായണ' പ്രദര്‍ശിപ്പിക്കും; ബ്രിക്‌സ് വിഭാഗത്തില്‍ ഉദ്ഘാടന ചിത്രം

മകളുടെ മുന്നിലിട്ട് ഭാര്യയെ വെട്ടിക്കൊലപ്പെടുത്തി; ഭർത്താവ് തൂങ്ങിമരിച്ചു