കൊച്ചി: കൊച്ചിന്‍ ഷിപ്പ് യാര്‍ഡില്‍ ബോംബ് ഭീഷണി. ഐഎന്‍എസ് വിക്രാന്ത് ബോബംബിട്ട് തകര്‍ക്കുമെന്ന് ഇ മെയില്‍ വഴി ലഭിച്ച ഭീഷണി സന്ദേശത്തില്‍ പറയുന്നു. 'നാവികന്‍' എന്ന മേല്‍വിലാസത്തില്‍ നിന്നാണ് മെയില്‍ ലഭിച്ചത്. കപ്പല്‍ശാല അധികൃതരുടെ പരാതിയില്‍ സൗത്ത് പൊലീസ് കേസെടുത്തു. കപ്പല്‍ശാലയ്ക്ക് സുരക്ഷ വര്‍ധിപ്പിച്ചിട്ടുണ്ട്.
ഇന്നലെ രാവിലെയാണ് ഭീഷണി സന്ദേശം ലഭിച്ചത്. ഐഎന്‍എസ് വിക്രാന്തിന് പുറമേ, മറ്റു കപ്പലുകള്‍ തകര്‍ക്കുമെന്നും ഭീഷണിയുണ്ട്. സന്ദേശം ലഭിച്ചതിന്റെ അടിസ്ഥാനത്തില്‍ ഐഎന്‍എസ് വിക്രാന്ത് ഉള്‍പ്പടെ മുഴുവന്‍ കപ്പലുകളിലും ബോംബ് സ്‌ക്വാഡ് പരിശോധന നടത്തി.
ഐടി ആക്ട് 385 പ്രകാരമാണ് പൊലീസ് കേസെടുത്തിരിക്കുന്നത്. ഇമെയിലിന്റെ ഉറവിടം പരിശോധിച്ച ശേഷം തുടര്‍നടപടി സ്വീകരിക്കുമെന്ന് പൊലീസ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates