കണ്ണൂര്‍: ഇരിക്കൂര്‍ ഊരത്തൂരില്‍ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തിയ ആദിവാസി യുവതി രജനിയുടെ മരണം കൊലപാതകമെന്ന് തെളിഞ്ഞു. ഭര്‍ത്താവ് ബാബുവിനെ പൊലീസ് കസ്റ്റഡിയിലെടുത്തു.

ഭര്‍ത്താവിന്റെ മര്‍ദനത്തെ തുടര്‍ന്നാണ് മരണം. മദ്യലഹരിയില്‍ ബാബു രജനിയെ മര്‍ദ്ദിക്കുകയായിരുന്നുവെന്നാണ് വിവരം. ആന്തരികാവയവങ്ങള്‍ക്കേറ്റ പരിക്കാണ് മരണ കാരണമെന്നാണ് പോസ്റ്റ്‌മോര്‍ട്ടം റിപ്പോര്‍ട്ടില്‍ പറയുന്നത്.

കണ്ണൂരില്‍ ഭിന്നശേഷിക്കാരന്റെ തട്ടുകട അടിച്ചു തകര്‍ത്തു; അക്രമം ഉടന്‍ ഉദ്ഘാടനം ചെയ്യാനിരിക്കെ

വയനാട് തവിഞ്ഞാല്‍ സ്വദേശിയായ രജനി ഭര്‍ത്താവിനും മക്കള്‍ക്കുമൊപ്പം കശുവണ്ടി തോട്ടത്തില്‍ ജോലിക്ക് വന്നതായിരുന്നു. കിടപ്പുമുറിയില്‍ മരിച്ച നിലയില്‍ കണ്ട വിവരം ഭര്‍ത്താവാണ് അടുത്തുളളവരെ ആദ്യം അറിയിച്ചത്. രജനിയുടെ മുഖത്ത് പരിക്കേറ്റ പാടുകളുണ്ടായിരുന്നു. ഞായറാഴ്ച രാത്രി രജനിയും ബാബുവും തമ്മില്‍ വഴക്കുണ്ടായിരുന്നു. ഇതിനിടെയാണ് മര്‍ദനമേറ്റതെന്ന് പൊലീസ് പറയുന്നു.