നിയമസഭാ തെരഞ്ഞെടുപ്പില് കേരളാ കോണ്ഗ്രസ് പതിമൂന്ന് സീറ്റുകള് ആവശ്യപ്പെടുമെന്ന് ജോസ് കെ മാണി. എല്ഡിഎഫിന്റെ മധ്യമേഖലാ ജാഥയില് ക്യാപ്റ്റനായി താന് ഉണ്ടാകുമെന്നും ജോസ് കെ മാണി കോട്ടയത്ത് വാര്ത്താ സമ്മേളനത്തില് പറഞ്ഞു. പാര്ട്ടി ഉന്നതതലയോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം..മലയാള ചലച്ചിത്രരംഗത്തെ ആയുഷ്കാല സംഭാവനയ്ക്കുള്ള 2024ലെ ജെ.സി ഡാനിയേല് പുരസ്കാരം നടി ശാരദയ്ക്ക്. സംസ്ഥാന സര്ക്കാരിന്റെ പരമോന്നത ചലച്ചിത്ര പുരസ്കാരമാണ് അഞ്ചു ലക്ഷം രൂപയും പ്രശസ്തിപത്രവും ശില്പ്പവും അടങ്ങുന്ന ജെ.സി ഡാനിയേല് അവാര്ഡ്. പുരസ്കാരം ജനുവരി 25ന് തിരുവനന്തപുരം നിശാഗന്ധിയില് നടക്കുന്ന കേരള സംസ്ഥാന ചലച്ചിത്ര അവാര്ഡ് സമര്പ്പണച്ചടങ്ങില് മുഖ്യമന്ത്രി പിണറായി വിജയന് സമ്മാനിക്കും..മഹാരാഷ്ട്രയില് 29 മുന്സിപ്പല് കോര്പറേഷനിലേക്കുള്ള തിരഞ്ഞെടുപ്പില് വോട്ടെണ്ണല് പുരോഗമിക്കെ ബിജെപി സഖ്യം വന് വിജയം. ഇതാദ്യമായാണ് മുംബൈ കോര്പറേഷന് ബിജെപി ഭരണം പിടിക്കുന്നത്. ഇതോടെ രണ്ടരപതിറ്റാണ്ട് നീണ്ട ശിവസേന ഭരണത്തിന് അറുതിയായി. താക്കറെ സഹോദരന്മാര് ഒന്നിച്ചതിന് ശേഷം നടക്കുന്ന തെരഞ്ഞെടുപ്പില് തുടക്കത്തില് ശിവസേന ഉദ്ധവ് വിഭാഗം വലിയ മുന്നേറ്റം നടത്തിയെങ്കിലും പിന്നീട് മഹായൂതി സഖ്യം തിരിച്ചുപിടിച്ചു.മലപ്പുറം ജില്ലയില് തൊടിയപുലത്ത് 16 കാരി പെണ്കുട്ടിയെ കൊല്ലപ്പെട്ട നിലയില് കണ്ടെത്തി. റെയില്വേ ട്രാക്കിന് സമീപം കുറ്റിക്കാട്ടിലാണ് മൃതദേഹം കണ്ടെത്തിയത്. കൈകള് കൂട്ടിക്കെട്ടിയ നിലയിലാണ് മൃതദേഹം. ഇന്നലെ സ്കൂളില് പോയ കുട്ടി വീട്ടില് തിരിച്ചെത്തിയിരുന്നില്ല. സംഭവത്തില് പ്രായപൂര്ത്തിയാകാത്ത ആണ്സുഹൃത്തിനെ പൊലീസ് കസ്റ്റഡിയിലെടുത്തു..കേരളത്തിന് നാല് പുതിയ ട്രെയിനുകള് പ്രഖ്യാപിച്ച് റെയില്വേ. പുതുതായി പ്രഖ്യാപിച്ച അമൃത് ഭാരത് ട്രെയിനുകളിലെ മൂന്ന് സര്വീസുകളും ഗുരുവായൂര് - തൃശൂര് പാസഞ്ചറുമാണ് കേരളത്തിന് പുതുതായി ലഭിക്കുക. അടുത്തയാഴ്ച തിരുവനന്തപുരത്തെത്തുന്ന പ്രധാനമന്ത്രി നരേന്ദ്ര മോദി ആറ് പുതിയ ട്രെയിനുകള് ഫഌഗ് ഓഫ് ചെയ്യും. കേരളത്തിന് ലഭിച്ച നാലു ട്രെയിനുകളും തമിഴ്നാടിന് അനുവദിച്ച രണ്ട് ട്രെയിനുകളുമാണ് മോദി ഫഌഗ് ഓഫ് ചെയ്യുക..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates