കോട്ടയം: ജെസിബി സാഹിത്യ പുരസ്കാരം എസ് ഹരീഷിന്. 'മീശ' എന്ന നോവലിനാണ് പുരസ്കാരം. 25 ലക്ഷം രൂപയുടെ പുരസ്കാരത്തിനാണ് എസ് ഹരീഷ് അർ​​ഹനായത്. 

ഹാർപർ കോളിൻസ് പുറത്തിറക്കിയ മീശയുടെ ഇം​ഗ്ലീഷ് പരിഭാഷയായ 'മ്സ്റ്റാഷ്' ‌എന്ന നോവലാണ് പുരസ്കാരത്തിന് അർഹമായത്. ജയശ്രീ കളത്തിലാണ് ഇതിന്റെ ഇം​ഗ്ലീഷ് പരിഭാഷ നിർവഹിച്ചത്. 

മലയാളത്തിൽ ഖണ്ഡശ്ശ പ്രസിദ്ധീകരിച്ച സമയത്ത് തന്നെ ഏറെ വിവാദങ്ങൾ സൃഷ്ടിച്ച നോവലാണ് മീശ. വിവാദങ്ങൾ ശക്തമായതിനെ തുടർന്ന് നോവലിന്റെ ഖണ്ഡശ്ശ പ്രസിദ്ധീകരണം അവസാനിപ്പിക്കുകയും ചെയ്തിരുന്നു.