കാസര്‍കോട്: മഞ്ചേശ്വരത്തെ യുഡിഎഫ് സ്ഥാനാര്‍ഥി എകെഎം അഷ്‌റഫിനെതിരെ പരാതിയുമായി എന്‍ഡിഎ സ്ഥാനാര്‍ഥി കെ സുരേന്ദ്രന്‍. കര്‍ണാടക എംഎല്‍എ ഭരത് ഷെട്ടിക്കെതിരെ വര്‍ഗീയ പരാമര്‍ശം നടത്തിയെന്ന് ആരോപിച്ച് റിട്ടേണിങ് ഓഫീസര്‍ക്കാണ് പരാതി നല്‍കിയത്.

സുരേന്ദ്രന്റെ പ്രചാരണ പരിപാടിയില്‍ പങ്കെടുത്ത എംഎല്‍എക്ക് മംഗലൂരുവില്‍ മലപ്പുറം സ്വദേശിയുടെ കൊലപാതകത്തില്‍ പങ്കുണ്ടെന്ന അഷ്‌റഫിന്റെ പ്രസ്താവനയിലാണ് പരാതി. കന്നട യൂട്യൂബ് ചാനലിലിന് നല്‍കിയ അഭിമുഖത്തിലായിരുന്നു അഷ്‌റഫിന്റെ ആരോപണം.