തിരുവനന്തപുരം: സിപിഐ സംസ്ഥാന സെക്രട്ടറി സ്ഥാനത്തു നിന്നു മൂന്ന് മാസത്തെ അവധിക്ക് അപേക്ഷ നൽകി കാനം രാജേന്ദ്രൻ. കേന്ദ്ര കമ്മിറ്റിക്കാണ് അദ്ദേഹം അപേക്ഷ നൽകിയത്. പകരം ചുമതല ബിനോയ് വിശ്വത്തിനു നൽകണമെന്നും അദ്ദേഹം അപേക്ഷയിൽ ആവശ്യപ്പെട്ടിട്ടുണ്ട്. 

അപേക്ഷയിൽ ഈ മാസം ചേരുന്ന ദേശീയ എക്സക്യൂട്ടീവ് കമ്മിറ്റി തീരുമാനം എടുക്കും. ആരോ​ഗ്യ പ്രശ്നങ്ങൾ അലട്ടുന്നതിനാൽ കാനം ചികിത്സയിലും വിശ്രമത്തിലുമാണ്. 

അടുത്ത കാലത്താണ് അദ്ദേഹത്തിന്റെ കാലിൽ ശസ്ത്രക്രിയ നടന്നത്. സഞ്ചാരത്തിനു ബുദ്ധിമുട്ടുണ്ടെന്നു ചൂണ്ടിക്കാട്ടിയാണ് അവധിക്ക് അപേക്ഷ നൽകിയത്. 

ഈ വാർത്ത കൂടി വായിക്കൂ 

'സൂക്ഷ്മ രാഷ്ട്രീയം സിനിമയിലൂടെ പറഞ്ഞ് യോ​ഗ്യത തെളിയിച്ച വ്യക്തി'- ജിയോ ബേബിക്ക് ഐക്യ​ദാർഢ്യമെന്നു മന്ത്രി ബിന്ദു

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ