തിരുവനന്തപുരം: അത്യാധുനിക സൗകര്യങ്ങളുമായി കെഎസ്ആര്ടിസിയുടെ എസി സൂപ്പര്ഫാസ്റ്റ് പ്രീമിയം സര്വീസ് അടുത്ത ആഴ്ച മുതല് ഓടിത്തുടങ്ങും. സര്വീസുകള് മുഖ്യമന്ത്രി പിണറായി വിജയന് ഉദ്ഘാടനം ചെയ്യും.
ആദ്യഘട്ടത്തില് പത്തുബസുകളാണ് സര്വീസ് നടത്തുക. സൂപ്പര്ഫാസ്റ്റിനും എക്സ്പ്രസിനും ഇടയിലായിരിക്കും നിരക്ക്. വൈഫൈ കണക്ഷന്, മ്യൂസിക് സിസ്റ്റം, പുഷ് ബാക്ക് സീറ്റ് എന്നിവയുണ്ടാകും. 40 സീറ്റുകളാണ് ഉള്ളത്. മുന്കൂട്ടി ബുക്ക് ചെയ്യാം. ഇടയ്ക്ക് യാത്രക്കാര്ക്ക് ഭക്ഷണം കഴിക്കാന് ഗുണനിലവാരമുള്ള ഹോട്ടലുകളില് സൗകര്യം ഒരുക്കും.
തിരുവനന്തപുരം-കോഴിക്കോട്, കോഴിക്കോട്-തിരുവനന്തപുരം, തിരുവനന്തപുരം-പാലക്കാട്, പാലക്കാട്- തൃശൂര് റൂട്ടുകളിലാണ് പരിഗണിക്കുന്നത്. ദേശീയപാതയുടെ നിര്മാണം നടക്കുന്നതിനാല് തുടക്കത്തില് എംസി റോഡിനാണ് മുന്ഗണനയെന്ന് ഗതാഗതമന്ത്രി കെ ബി ഗണേഷ്കുമാര് പറഞ്ഞു. കുറഞ്ഞ ചെലവില് സൗകര്യപ്രദമായ യാത്രയാണ് ലക്ഷ്യം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates