കോഴിക്കോട്: മൈസൂരിലേയ്ക്ക് ഏകദിന അന്തര്‍ സംസ്ഥാന ഉല്ലാസ യാത്ര സംഘടിപ്പിക്കാനൊരുങ്ങി കെഎസ്ആര്‍ടിസി ബജറ്റ് ടൂറിസം സെല്‍. കോഴിക്കോട് ഡിപ്പോയില്‍ നിന്നാണ് യാത്ര പുറപ്പെടുക.

ഓഗസ്റ്റ് 10, 28 തീയതികളിലാണ് യാത്ര. പുലര്‍ച്ചെ 4.30ന് യാത്ര പുറപ്പെടും. മൈസൂര്‍ മൃഗശാല, മൈസൂര്‍ പാലസ്, കാരാഞ്ചി ലേക്ക്, സുഖ വന പക്ഷി സങ്കേതം തുടങ്ങിയ സ്ഥലങ്ങളാണ് സന്ദര്‍ശിക്കുക. ഫാസ്റ്റ് പാസഞ്ചര്‍ ബസ് യാത്രയ്ക്ക് ഒരാള്‍ക്ക് 1080 രൂപയാണ് നിരക്ക് (ബസ് ചാര്‍ജ് മാത്രം). കൂടുതല്‍ വിവരങ്ങള്‍ക്ക് 9946068832, 9544477954.

ഓഗസ്റ്റ് 30ന് മൂകാംബിക യാത്രയും കെഎസ്ആര്‍ടിസി സംഘടിപ്പിക്കുന്നുണ്ട്. രാത്രി 8 മണിയ്ക്കാണ് യാത്ര തിരിക്കുക. രണ്ട് ദിവസം നീണ്ടുനില്‍ക്കുന്ന യാത്രയ്ക്ക് 1850 രൂപയാണ് നിരക്ക് (ബസ് ചാര്‍ജ് മാത്രം). സൂപ്പര്‍ ഡീലക്‌സ് ബസാണ് യാത്രയ്ക്ക് ഉപയോഗിക്കുക.