തിരുവനന്തപുരം: സംസ്ഥാനത്തെ ചില പൊലീസ് ഉദ്യോഗസ്ഥര്ക്ക് പോപ്പുലര് ഫ്രണ്ട് നേതാക്കളുമായി ബന്ധമെന്ന് എന്ഐഎ റിപ്പോര്ട്ട് കൈമാറിയെന്ന വാര്ത്ത നിഷേധിച്ച് കേരള പൊലീസ്. പിഎഫ്ഐ ബന്ധമുള്ള 873 പൊലീസുകാരുടെ വിവരങ്ങള് എന്ഐഎ സംസ്ഥാന പൊലീസ് മേധാവിക്ക് കൈമാറിയെന്ന വാര്ത്ത അടിസ്ഥാന രഹിതമാണെന്ന് കേരള പൊലീസ് ഔദ്യോഗിക വാര്ത്താക്കുറിപ്പില് പറഞ്ഞു.
പോപ്പുലര് ഫ്രണ്ടുമായി ബന്ധമുള്ള സിവില് പൊലീസ് ഉദ്യോഗസ്ഥര്, എസ്ഐമാര്, എസ്എച്ച്ഒ റാങ്കിലുള്ള ഉദ്യോഗസ്ഥര് എന്നിവരുടെ പട്ടിക എന്ഐഎ കൈമാറി എന്നായിരുന്നു റിപ്പോര്ട്ട്. ഇവരുടെ സാമ്പത്തിക ഇടപാടുകള് കേന്ദ്ര ഏജന്സികള് അന്വേഷിച്ചു വരികയാണെന്നും റിപ്പോര്ട്ടുകളുണ്ടായിരുന്നു.
സംസ്ഥാന പൊലീസിലെ സ്പെഷല് ബ്രാഞ്ച്, ഇന്റലിജന്സ്, ലോ ആന്ഡ് ഓര്ഡര് വിഭാഗങ്ങളില് പ്രവര്ത്തിക്കുന്നവരും ഉന്നത ഉദ്യോഗസ്ഥരുടെ ഓഫിസ് ചുമതല വഹിക്കുന്നവരുമാണ് കേന്ദ്ര ഏജന്സികളുടെ നിരീക്ഷണ വലയത്തിലുളളത്. സംസ്ഥാന പൊലീസിന്റെ നീക്കങ്ങളും പരിശോധനകളുമടക്കം ചോര്ത്തിക്കൊടുത്തു എന്നതടക്കമുള്ള ആരോപണങ്ങളാണ് ഇവര്ക്കെതിരെയുള്ളതെന്നും റിപ്പോര്ട്ടില് പറയുന്നു.
കഴിഞ്ഞ ഫെബ്രുവരിയില് തൊടുപുഴ മേഖലയിലെ കരിമണ്ണൂര് പൊലീസ് സ്റ്റേഷനില് നിന്ന് ആര്എസ്എസ് നേതാക്കളുടെ വിവരങ്ങള് പോപ്പുലര് ഫ്രണ്ടിന് ചോര്ത്തി നല്കിയ സംഭവത്തില് സിവില് പൊലീസ് ഓഫിസറെ പിരിച്ചുവിട്ടിരുന്നു. മൂന്നാര് പൊലീസ് സ്റ്റേഷനില് സമാന ആരോപണത്തെത്തുടര്ന്ന് എഎസ്ഐ അടക്കം 3 പേരെ സ്ഥലം മാറ്റിയിരുന്നു.
ഈ വാര്ത്ത കൂടി വായിക്കൂ 'വേലി തന്നെ വിളവ് തിന്നുന്നു', ഡ്യൂട്ടി കഴിഞ്ഞ് മടങ്ങുന്നതിനിടെ 10 കിലോ മാമ്പഴം മോഷ്ടിച്ചു; സിസിടിവിയില് കുടുങ്ങി പൊലീസ് ഉദ്യോഗസ്ഥന്
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates