കോഴിക്കോട്: നാലു വയസുകാരിയെ ലൈംഗികമായി പീഡിപ്പിച്ചെന്ന കേസില് നടന് കൂട്ടിക്കല് ജയചന്ദ്രനെതിരെ ലുക്കൗട്ട് നോട്ടീസ്. കുട്ടിയുടെ അമ്മയുടെ പരാതിയെത്തുടര്ന്ന് കസബ പൊലീസാണ് കൂട്ടിക്കല് ജയചന്ദ്രനെതിരേ കേസെടുത്തത്.
കേസില് നടന്റെ മുന്കൂര്ജാമ്യാപേക്ഷ ഹൈക്കോടതി കഴിഞ്ഞയാഴ്ച തള്ളിയിരുന്നു. നേരത്തേ കോഴിക്കോട് സെഷന്സ് കോടതി ജാമ്യാപേക്ഷ തള്ളിയിരുന്നു. പിന്നാലെയാണ് നടന് മുന്കൂര്ജാമ്യാപേക്ഷയുമായി ഹൈക്കോടതിയെ സമീപിച്ചത്.
കഴിഞ്ഞ വര്ഷം ജൂണിലായിരുന്നു പോക്സോ കേസ് റജിസ്റ്റര് ചെയ്തത്. ഇതിനു പിന്നാലെ ജയചന്ദ്രന് ഒളിവില് പോയി. അന്നു മുതല് പ്രത്യേക അന്വേഷണ സംഘം രൂപീകരിച്ച് അന്വേഷണം നടത്തിയെങ്കിലും നടനെ പിടികൂടാനായില്ല.
കൂട്ടിക്കല് ജയചന്ദ്രനെതിരെ നടപടി വൈകുന്നതായി കാണിച്ച് കുട്ടിയുടെ ബന്ധു സംസ്ഥാന പൊലീസ് മേധാവിക്കും കമ്മിഷണര്ക്കും പരാതി നല്കിയിരുന്നു. പ്രതി വിദേശത്തേക്കു രക്ഷപ്പെടാന് സാധ്യതയുണ്ടെന്നും പെണ്കുട്ടിക്കും ബന്ധുക്കള്ക്കും ഭീഷണിയുണ്ടെന്നും അത് ഭയന്നു കുട്ടിയെ സ്കൂളില് അയയ്ക്കുന്നില്ലെന്നും ബന്ധുവിന്റെ പരാതിയില് പറയുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates