റിയാദ്: സൗദി അറേബ്യയിൽ മലയാളി കുത്തേറ്റ് മരിച്ചു. ജിദ്ദയിലെ ഇൻഡ്രസ്ട്രിയൽ സിറ്റിയിൽ മലപ്പുറം കൂടിലങ്ങാടി സ്വദേശി അബ്ദുൽ അസീസ്(60) ആണ് കൊല്ലപ്പെട്ടത്. സഹപ്രവർത്തകനായ പാക്കിസ്ഥാൻ സ്വദേശി കത്തികൊണ്ട് കുത്തികൊലപ്പെടുത്തുകയായിരുന്നു.

അസീസിനെ രക്ഷപെടുത്താൻ ശ്രമിക്കുന്നതിനിടെ മറ്റൊരു മലയാളിക്കും ഒരു ബംഗ്ലാദേശ് പൗരനും പരിക്കേറ്റിട്ടുണ്ട്. ഗുരുതരമായി പരിക്കേറ്റ അസീസ് സംഭവസ്ഥലത്തുതന്നെ മരിച്ചു. 

ഫാർമസ്യൂട്ടിക്കൽ സൊല്യൂഷ്യൻ ഇൻഡസ്ട്രിയൽ എന്ന കമ്പനിയിൽ മെയിന്റിനെൻസ് സൂപ്പർവൈസറായിരുന്നു അബ്ദുൽ അസീസ്. 36 വർഷമായി സൗദിയിൽ ജോലിചെയ്യുന്ന അബ്‍ദുൽ അസീസ് 30 വർഷമായി സനീഇയയിലെ കമ്പനിയിലാണ്.