തിരുവനന്തപുരം: മദ്യലഹരിയിൽ വാഹനം ഓടിച്ച് അപകടത്തിൽ പരിക്കേറ്റ യുവാവിനെ ആശുപത്രിയിൽ കൊണ്ടുപോകുന്നതിനിടെ 108 ആംബുലൻസിൽ ആക്രമണം. ജീവനക്കാരെ മർദിക്കുകയും ആംബുലൻസിന്റെ ചില്ല് തകർക്കുകയും ചെയ്ത യുവാവിനെ അറസ്റ്റ് ചെയ്തു.  വിഴിഞ്ഞം പുന്നക്കുളം സ്വദേശി അരുണിനെ (39) ആണ് നെയ്യാറ്റിൻകര പൊലീസ് അറസ്റ്റ് ചെയ്തത്.

29ന് രാത്രി പത്തരയോടെ ബാലരാമപുരം ജം​ഗ്ഷനിൽ അരുണിന്റെ ബൈക്ക് മറ്റൊരു ബൈക്കിൽ ഇടിച്ചു. 108 ആംബുലൻസ് എത്തി ഇയാളെ നെയ്യാറ്റിൻകര ആശുപത്രിയിലേക്ക് കൊണ്ടു പോകുംവഴിയായിരുന്നു ആക്രമണം. ആരോഗ്യ പ്രവർത്തകർക്കെതിരെയുള്ള അതിക്രമം തടയുന്ന വകുപ്പുകളും  അരുണിനെതിരെ ചുമത്തിയിട്ടുണ്ട്. 

ഈ വാര്‍ത്ത കൂടി വായിക്കൂ 

കണ്ണൂരില്‍ ട്രെയിനില്‍ തീപിടിത്തം, ബോഗി കത്തിനശിച്ചു; അട്ടിമറി സംശയിച്ച് റെയില്‍വേ പൊലീസ് 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ