തിരുവനന്തപുരം: ബൈക്കിന്റെ ഹാൻഡിലിൽ വഴിയാത്രക്കാരന്റെ കൈ തട്ടി നിയന്ത്രണം തെറ്റി മറിഞ്ഞുവീണ് ബൈക്ക് യാത്രക്കാരൻ മരിച്ചു. 
കാലടി സ്വദേശി ജിഎസ് ബൈജു (56) ആണ് മെഡിക്കൽ കോളജ് ആശുപത്രിയിൽ ചികിത്സയിലിരിക്കെ മരിച്ചത്.

വെള്ളിയാഴ്ച രാത്രി 7.20 ഓടെയായിരുന്നു സംഭവം. കോവളം ബീച്ച് റോഡിൽ അപ്‌സരാ തിയേറ്റർ ജങ്ഷനു സമീപം പാർക്ക് ചെയ്തിരുന്ന കാറിനെ മറികടന്ന് വഴിയാത്രക്കാരനായ യുവാവ് വരുന്നതിനിടെ ബൈജു സഞ്ചരിച്ച ബൈക്കിന്റെ ഹാൻഡിലിൽ കൈ അബദ്ധത്തിൽ തട്ടുകയായിരുന്നു.

ഇതോടെ നിയന്ത്രണം വിട്ട് ബൈക്ക് റോഡിലേക്ക് മറിഞ്ഞു വീണു. വീഴ്ചയിൽ ബൈജുവിന്റെ തലയുടെ പിൻഭാഗത്താണ് പരിക്കേറ്റത്. കോവളം പൊലീസെത്തിയാണ് ബൈജുവിനെ ആംബുലൻസിൽ ആശുപത്രിയിലെത്തിച്ചത്. തീവ്രപരിചരണ വിഭാഗത്തിൽ ചികിത്സയിലിരിക്കെ ശനിയാഴ്ച രാവിലെ 11 മണിയോടെ മരിച്ചു.

ഈ വാര്‍ത്ത കൂടി വായിക്കൂ  

ചായക്കടയിലെ ​ഗ്യാസ് സിലിണ്ടർ പൊട്ടിത്തെറിച്ചു; തൃശൂരിൽ വൻ തീ പിടിത്തം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ