തൃശൂര്‍:  14കാരിയെ പീഡിപ്പിച്ച കേസ്സില്‍ 70കാരന് പത്തു വര്‍ഷം കഠിന തടവും 50000 രൂപ പിഴയും.  തൃശ്ശൂര്‍ ഫാസ്റ്റ് ട്രാക് സ്‌പെഷ്യല്‍ കോടതിയുടെതാണ് ഉത്തരവ്. തൃശൂര്‍ ഫാസ്റ്റ് ട്രാക് കോടതി ജഡ്ജി ബിന്ദു സുധാകരനാണ് തിരുവില്വാമല പാറക്കുളങ്ങര ചന്ദ്രന് ശിക്ഷ വിധിച്ചത്.

സ്‌കൂള്‍ വിദ്യാര്‍ത്ഥിനിയായ അതിജീവിതയെ പ്രലോഭിപ്പിച്ച് തന്റെ കടയിലേക്ക് വിളിച്ചുവരുത്തി പീഡിപ്പിച്ചതിന് 2016 ലാണ് പ്രതിയെ പഴയന്നൂര്‍ പൊലീസ് അറസ്റ്റ് ചെയ്തത്.

2016ലായിരുന്നു കേസിനാസ്പദമായ സംഭവം. കേസില് പ്രോസിക്യൂഷന്‍ ഭാഗത്തുനിന്ന് 15 സാക്ഷികളെയും 19 രേഖകളും 5 തൊണ്ടിമുതലുകളും ഹാജരാക്കി.പ്രോസിക്യൂഷനു വേണ്ടി തൃശ്ശൂര്‍ ഫാസ്റ്റ് ട്രാക് കോടതി സ്‌പെഷ്യല്‍ പബ്ലിക് പ്രോസിക്യൂട്ടറായ അഡ്വ: കെ.പി. അജയ്കുമാര്‍ ഹാജരായി.