തിരുവനന്തപുരം: മേയര് ആര്യാ രാജേന്ദ്രന്റെ വാഹനത്തിന് സൈഡ് കൊടുക്കാത്ത കെഎസ്ആര്ടിസി ഡ്രൈവര്ക്കെതിരെ കേസ്. തമ്പാനൂര് ഡിപ്പോയിലെ ഡ്രൈവര് എല് എച്ച് യദുവിനെതിരെയാണ് കന്റോണ്മെന്റ് പൊലീസ് കേസെടുത്തത്. ഡ്രൈവര് മോശമായി പെരുമാറിയെന്ന മേയറുടെ പരാതിയിലാണ് കന്റോണ്മെന്റ് പൊലീസ് നടപടി.
ഇന്നലെ രാത്രി 10.30 ടെ തിരുവനന്തപുരം പാളയത്തുവെച്ചാണ് സംഭവം. കെഎസ്ആര്ടിസി ബസിന് കുറുകെ കാര് നിര്ത്തി മേയര് ഡ്രൈവറുമായി നടുറോഡില് തര്ക്കിക്കുന്ന വിഡിയോയും പുറത്തുവന്നിരുന്നു. ഭര്ത്താവ് സച്ചിന് ദേവ് എംഎല്എയും മേയര്ക്ക് ഒപ്പമുണ്ടായിരുന്നു. സംഭവത്തിന് പിന്നാലെ ഡ്രൈവര് യദുവിനെ കസ്റ്റഡിയിലെടുത്ത് സ്റ്റേഷനിലേക്ക് കൊണ്ടുപോയി. രാവിലെയാണ് യദുവിന് ജാമ്യം ലഭിച്ചത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
കാര് ബസിന് കുറുകെയിട്ട് ട്രിപ്പ് മുടക്കിയെന്നും മോശമായി പെരുമാറിയെന്നും കാണിച്ച് കെഎസ്ആര്ടിസി ഡ്രൈവറും പൊലീസിന് പരാതി നല്കി. ഡ്രൈവറുടെ പരാതിയില് പൊലീസ് ഇതുവരെ കേസെടുത്തിട്ടില്ല. ഡ്രൈവറുടെ പരാതി അന്വേഷിച്ച ശേഷം കേസെടുക്കുമെന്നു പൊലീസ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates