കൊച്ചി: സമകാലിക മലയാളം വാരിക സീനിയര്‍ റിപ്പോര്‍ട്ടര്‍ പിഎസ് റംഷാദിന് മീഡിയ അക്കാദമി ഫെലോഷിപ്പ്. പൊതുഗവേഷണ മേഖലയിലാണ് മാധ്യമ ഫെലോഷിപ്പ് ലഭിച്ചത്. സൂക്ഷ്മ ​ഗവേഷണ ഫെലോഷിപ്പിന് ജെബി പോൾ, ടിഎസ് അഖിൽ എന്നിവർ അർഹരായി. ഒരു ലക്ഷം രൂപയാണ് ഫെലോഷിപ്പ്.

സമ​ഗ്ര ​ഗവേഷക ഫെലോഷിപ്പ് അപർണ കുറുപ്പ്, കെ രാജേന്ദ്രൻ, നിലീന അത്തോളി, ഷെബിൻ മെഹബൂബ്, എംവി നിഷാന്ത്, എം പ്രശാന്ത്, കെഎ ഫൈസൽ, ദീപക് ധർമ്മടം, പിആർ റിസിയ എന്നിവർക്ക് നൽകുമെന്ന് അക്കാദമി ചെയർമാൻ ആർ എസ് ബാബു അറിയിച്ചു. 75,000 രൂപയാണ് ഇവർക്ക് ലഭിക്കുക.