തിരുവനന്തപുരം : പാലാരിവട്ടം പാലം അഴിമതിയില്‍ മുന്‍മന്ത്രി വി കെ ഇബ്രാഹിംകുഞ്ഞിന്റെ അറസ്റ്റില്‍ പ്രതികരണവുമായി മന്ത്രി കെ ടി ജലീല്‍. നമുക്ക് നാമേ പണിവതു നാകം, നരകവുമതുപോലെ എന്നായിരുന്നു മന്ത്രിയുടെ പ്രതികരണം. 

പാലാരിവട്ടം പാലം അഴിമതിയുമായി ബന്ധപ്പെട്ട് നെട്ടൂരിലെ സ്വകാര്യ ആശുപത്രിയില്‍ എത്തിയാണ് ഇബ്രാഹിം കുഞ്ഞിനെ വിജിലന്‍സ് സംഘം അറസ്റ്റ് ചെയ്തത്. ഇന്നലെ രാത്രിയാണ് ഇബ്രാഹിം കുഞ്ഞ് ആശുപത്രിയില്‍ അഡ്മിറ്റായത്. 

രാവിലെ അപ്രതീക്ഷിതമായിട്ടാണ് വിജിലന്‍സ് സംഘം ഇബ്രാഹിംകുഞ്ഞിന്റെ ആലുവയിലെ വീട്ടിലെത്തിയത്. എന്നാല്‍ മന്ത്രി ആശുപത്രിയിലാണെന്നും വീട്ടില്‍ താന്‍ മാത്രമേ ഉള്ളൂ എന്നും ഇബ്രാഹിംകുഞ്ഞിന്റെ ഭാര്യ അറിയിച്ചു. തുടര്‍ന്ന് വനിതാ പൊലീസിനെ വിളിച്ചുവരുത്തിയ ശേഷമാണ് വീട്ടില്‍ വിജിലന്‍സ് സംഘം പരിശോധന നടത്തിയത്.