കൊച്ചി: തൃശൂര്‍ പുത്തൂര്‍ സുവോളജിക്കല്‍ പാര്‍ക്കില്‍ നവകേരള സദസ് നടത്താനുള്ള നീക്കം തടയണമെന്ന് ആവശ്യപ്പെട്ടു കൊണ്ടുള്ള ഹര്‍ജി ഹൈക്കോടതി ഇന്ന് പരിഗണിക്കും. ചീഫ് ജസ്റ്റിസ് അധ്യക്ഷനായ ഡിവിഷന്‍ ബെഞ്ചാണ് കേസ് പരിഗണിക്കുന്നത്.

വിഷയത്തില്‍ പാര്‍ക്കുമായി ബന്ധപ്പെട്ട രേഖകള്‍ സഹിതം പാര്‍ക്ക് ഡയറക്ടര്‍ കോടതിയില്‍ നേരിട്ട് ഹാജരാകണമെന്ന് ഹൈക്കോടതി നിര്‍ദേശം നല്‍കിയിരുന്നു. സുവോളജിക്കല്‍ പാര്‍ക്കില്‍ ഒല്ലൂര്‍ മണ്ഡലം നവകേരള സദസ് നടത്താനായിരുന്നു തീരുമാനം.

മൃഗശാലയ്ക്ക് പുറത്ത് കാര്‍ പാര്‍ക്കിങ് സ്ഥലത്താണ് നവകേരള സദസ് നടത്തുന്നതെന്നാണ് പാര്‍ക്ക് ഡയറക്ടര്‍ സത്യവാങ്മൂലത്തില്‍ അറിയിച്ചിരുന്നത്. എന്നാല്‍ കാര്‍ പാര്‍ക്കിങ്ങും സുവോളജിക്കല്‍ പാര്‍ക്കിന്റെ ഭാഗമാണെന്നാണ് ഹര്‍ജിക്കാരന്റെ വാദം. 

തുടര്‍ന്നാണ് പരിപാടി നടത്തിപ്പിനെപ്പറ്റിയുള്ള വിശദവിവരങ്ങള്‍ അറിയാന്‍ പാര്‍ക്ക് ഡയറക്ടറോട് നേരിട്ട് ഹാജരാകാന്‍ കോടതി നിര്‍ദേശിച്ചത്. 

ഈ വാർത്ത കൂടി വായിക്കൂ 

സാമ്പത്തിക പ്രതിസന്ധി; ട്രഷറി ഇടപാടുകൾക്ക് വീണ്ടും നിയന്ത്രണം; ഒരു ലക്ഷത്തിനു മുകളിലുള്ള ബില്ലുകൾക്ക് ടോക്കൺ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ