തിരുവനന്തപുരം: ബിഹാര് ഗവര്ണറായി സ്ഥലം മാറി പോകുന്ന ഗവര്ണര് ആരിഫ് മുഹമ്മദ് ഖാന് ഇന്ന് സംസ്ഥാനം വിടും. ഉച്ചയ്ക്ക് 12 മണിക്ക് വിമാനമാര്ഗം കൊച്ചിയിലേക്കും അവിടെ നിന്ന് ഡല്ഹിയിലേക്കും പോകും. സംസ്ഥാന സര്ക്കാരിന്റെ ഔദ്യോഗിക യാത്രയയപ്പില്ലാതെയാണ് ഗവര്ണര് കേരളത്തില് നിന്നും പോകുന്നത്. മുന് പ്രധാനമന്ത്രി മന്മോഹന് സിങിന്റെ മരണത്തെ തുടര്ന്നുള്ള ദുഃഖാചരണത്തിന്റെ ഭാഗമായി രാജ്ഭവനില് നിന്നുള്ള യാത്രയയപ്പ് പരിപാടിയും റദ്ദാക്കിയിരുന്നു.
ജനുവരി രണ്ടാം തിയതി ബിഹാര് ഗവര്ണറായി ചുമതല ഏല്ക്കും. 2024 സെപ്തംബര് 5നാണ് ആരിഫ് മുഹമ്മദ് ഖാന് കേരള രാജ് ഭവനില് 5 കൊല്ലം പൂര്ത്തിയാക്കിയത്. വിവാദങ്ങളും സംഘര്ഷങ്ങളും നിറഞ്ഞ അഞ്ച് വര്ഷത്തിന് ശേഷമാണ് അദ്ദേഹം കേരളം വിടുന്നത്.
കേരള ഗവര്ണറായി പുതുതായി നിയമിക്കപ്പെട്ട രാജേന്ദ്ര അര്ലേക്കര് 2025 ജനുവരി രണ്ടിന് ചുമതലയേല്ക്കും. മടങ്ങുന്നതിന് മുന്നോടിയായി ചീഫ് സെക്രട്ടറി ശാരദാ മുരളീധരനും അഡീഷണല് ചീഫ് സെക്രട്ടറിമാരും രാജ്ഭവനിലെത്തി ഉപഹാരം സമ്മാനിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates