കോട്ടയം: സംസ്ഥാന സര്ക്കാര് നടത്തുന്ന ആഗോള അയ്യപ്പ സംഗമത്തിന് പൂര്ണ പിന്തുണ നല്കുമെന്ന് എന്എസ് എസ്. പിണറായി സര്ക്കാര് ശബരിമല ആചാരം സംരക്ഷിക്കുമെന്ന് പൂര്ണവിശ്വാസമുണ്ടെന്ന് എന്എസ്എസ് വൈസ് പ്രസിഡന്റ് എന് സംഗീത് കുമാര് പറഞ്ഞു. അവിശ്വാസികള് അയ്യപ്പസംഗമം നടത്തുന്നുവെന്ന ബിജെപി ആരോപണവും സംഗീത് കുമാര് തള്ളി.
എന്എസ്എസിനെ സംബന്ധിച്ചിടത്തോളം ഏറ്റവും പ്രധാനം ആചാര സംരക്ഷണമാണെന്ന് എന് സംഗീത് കുമാര് പറഞ്ഞു. ശബരിമലയിലെ ആചാരം സംരക്ഷിക്കാനും വിശ്വാസം സംരക്ഷിക്കാനുമെല്ലാം സര്ക്കാര് മുന്പന്തിയില് നില്ക്കുമെന്നാണ് വിശ്വാസം. ഇക്കാര്യത്തില് എന്എസ്എസിന് സര്ക്കാരില് പൂര്ണവിശ്വസമുണ്ടെന്നും അദ്ദേഹം പറഞ്ഞു.
ആഗോള അയ്യപ്പ സംഗമം നടത്തുന്നതിലൂടെ ശബരിമലയിലെ പരിപൂര്ണവികസനത്തിനും ഭക്തന്മാര് ഇന്ന് അനുഭവിക്കുന്ന ബുദ്ധിമുട്ട് പരിഹരിക്കുന്നതിനും വേദിയാകും. അയ്യപ്പസംഗമം ഭൂരിപക്ഷ പ്രീണനമെന്ന വിഡി സതീശന്റെ അഭിപ്രായത്തോട് പ്രതികരിക്കാനില്ലെന്നും സംഗീത് കുമാര് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates