കണ്ണൂര്‍: ജില്ലാ ആശുപത്രിയില്‍ നഴ്സിന് നേരെ കയ്യേറ്റം. അത്യാഹിത വിഭാഗത്തില്‍ രോഗിക്കൊപ്പം വന്നയാള്‍ നഴ്സിനെ പിടിച്ചുതള്ളുന്ന ദൃശ്യങ്ങള്‍ പുറത്തുവന്നു. സിറ്റി പൊലീസ് കേസെടുത്ത് അന്വേഷണം ആരംഭിച്ചു.

കണ്ണൂര്‍ ജില്ലാ ആശുപത്രിയില്‍ ഇന്നലെ വൈകീട്ടാണ് സംഭവം. കാലിലെ മസിലുമായി ബന്ധപ്പെട്ട പ്രശ്‌നവുമായി ചികിത്സ തേടിയെത്തിയ രോഗിക്കൊപ്പം വന്നയാളാണ് നഴ്സ് മുഹമ്മദ് ഷംസീറിനെ തള്ളിയത്. 

മസിലുമായി ബന്ധപ്പെട്ട പ്രശ്‌നം മുന്‍പ് വന്നപ്പോള്‍ സാധാരണയായി രോഗിക്ക് മറ്റൊരു ഇഞ്ചക്ഷന്‍ ആണ് നല്‍കുന്നതും ഇപ്പോള്‍ നല്‍കിയതല്ലെന്നും പറഞ്ഞ് രോഗിയെ അവിടെ നിന്ന് മാറ്റാന്‍ തീരുമാനിച്ചു. ഇതുസംബന്ധിച്ചുള്ള സംസാരത്തിനിടെയായിരുന്നു പ്രകോപനം. രോഗിയുടെ കൂടെ വന്നയാളാണ്  മുഹമ്മദ് ഷംസീറിനെ തള്ളിയത്. 

ഈ ഇഞ്ചക്ഷന്‍ നല്‍കിയാല്‍ എന്താണ് ബുദ്ധിമുട്ട് എന്ന് മുഹമ്മദ് ഷംസീര്‍ ചോദിച്ചതാണ് പ്രകോപനത്തിന് കാരണം. നഴ്സിനെ പിടിച്ചുതള്ളിയ സംഭവത്തില്‍ കര്‍ശന നടപടി സ്വീകരിക്കണമെന്ന് ആവശ്യപ്പെട്ട് ആശുപത്രിയിലെ ജീവനക്കാര്‍ ആശുപത്രിക്ക് മുന്നില്‍ പ്രതിഷേധിച്ചു.

ഈ വാര്‍ത്ത കൂടി വായിക്കൂ 

പൊലീസിനെതിരെ ആത്മഹത്യാക്കുറിപ്പ്; ഇന്‍സ്റ്റഗ്രാമില്‍ പങ്കുവെച്ചശേഷം വിദ്യാര്‍ത്ഥി ജീവനൊടുക്കാന്‍ ശ്രമിച്ചു

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ