തൊടുപുഴ: ഇടുക്കി അടിമാലിയിൽ മരം വീണ് ഒരാൾക്ക് ദാരുണാന്ത്യം. പീച്ചാടിന് സമീപം ഏലത്തോട്ടത്തിലാണ് മരം നിലം പതിച്ചത്. എസ്റ്റേറ്റിലെ സൂപ്രവൈസർ കട്ടപ്പന ആനവിലാസം സ്വദേശി സതീശൻ ആണ് മരിച്ചത്.

ഇന്ന് ഉച്ചയ്ക്ക് ശേഷമായിരുന്നു അപകടമുണ്ടായത്. വലിയ മരത്തിൻ്റെ ശിഖരം ഒടിഞ്ഞ് സതീശൻ്റെ ദേഹത്ത് പതിയ്കുകയായിരുന്നു. ഉടൻതന്നെ സതീശനെ അടിമാലിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

'വിമോചന സമരക്കാര്‍ എന്ന പരാമര്‍ശം വേദനിപ്പിച്ചു'; എംഎ ബേബിക്ക് ആശമാരുടെ തുറന്ന കത്ത്

അപകടത്തിൽ അസം സ്വദേശിയായ മറ്റൊരു തൊഴിലാളിക്കും പരിക്കേറ്റു. ഇയാൾ അടിമാലിയിൽ സ്വകാര്യ ആശുപത്രിയിൽ ചികിത്സയിലാണ്. മറ്റുള്ളവർ ശബ്ദം കേട്ട് ഓടി മാറിയതിനാൽ വലിയ ദുരന്തം ഒഴിവായി.