കോഴിക്കോട്: പന്തീരാങ്കാവില് സ്വകാര്യ ബാങ്ക് ജീവനക്കാരനില് നിന്നും 40 ലക്ഷം രൂപ തട്ടിയെടുത്ത് കടന്നുകളഞ്ഞ കേസില് (Bank Robbery case) പ്രതി ഷിബിന് ലാല് രക്ഷപ്പെട്ട സ്കൂട്ടര് പൊലീസ് കണ്ടെത്തി. പന്തീരാങ്കാവിലെ ഷിബിന്റെ ഉടമസ്ഥതയിലുള്ള ഷെഡില് നിന്നുമാണ് സ്കൂട്ടര് കണ്ടെത്തിയത്. വാടകക്കെടുത്ത സ്കൂട്ടറാണ് കവര്ച്ച നടത്താന് ഉപയോഗിച്ചത്. സംഭവത്തില് ഇസാഫ് ബാങ്ക് ജീവനക്കാരെ വീണ്ടും ചോദ്യം ചെയ്യാന് പൊലീസ് നീക്കം തുടങ്ങി. എട്ടു ജീവനക്കാരെ ഒരുമിച്ചിരുത്തി ചോദ്യം ചെയ്യാനാണ് പൊലീസ് നീക്കം.
ഷിബിന് ലാല് നാല് ദിവസം മുമ്പ് സ്വര്ണ്ണപ്പണയം മാറ്റിവയ്ക്കുന്നതിനായി ബാങ്കിലെത്തിയതായി ഇസാഫ് ജീവനക്കാര് പറയുന്നു. ഷിബിന് ലാലിന്റെ വീട്ടിലെത്തി ഇസാഫ് പ്രതിനിധി വെരിഫിക്കേഷന് നടത്തിയ ശേഷം ഭാര്യയുടെയും ഷിബിന്ലാലിന്റെയും പേരില് ബാങ്കില് അക്കൗണ്ട് തുടങ്ങി. ഒളവണ്ണ സര്വീസ് സഹകരണ ബാങ്കില് 40 ലക്ഷത്തിന് സ്വര്ണ്ണ വായ്പ ഉണ്ടെന്നും ഇസാഫില് പലിശ കുറവായതിനാല് ഇങ്ങോട്ട് മാറ്റണമെന്നുമായിരുന്നു ഷിബിന് ലാല് പറഞ്ഞിരുന്നത്.
തുടര്ന്നാണ് ഇന്നലെ പണവുമായി ഇസാഫ് ജീവനക്കാര് സഹകരണ ബാങ്കിലേക്ക് പോയത്. ജീവനക്കാര് കാറിലും ഷിബിന്ലാല് ബൈക്കിലുമാണ് ബാങ്കിലെത്തിയത്. പണവുമായി ഒരു ജീവനക്കാരന് പുറത്തിറങ്ങിയ സമയത്ത് ഷിബിന് ലാല് പണം തട്ടിയെടുത്ത് സ്കൂട്ടറില് കടന്നുകളഞ്ഞു എന്നതാണ് കേസ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates