ക്രോയിപ്രത്ത് യുവാക്കളെ കെട്ടിയിട്ട് ദമ്പതികള് ക്രൂരമായി മര്ദ്ദിച്ച കേസില് പ്രതി രശ്മിയുടെ ഫോണില് നിന്ന് ലഭിച്ച വിഡിയോകള് സിനിമ രംഗങ്ങളെ വെല്ലുന്ന തരത്തിലുള്ളതെന്ന് പൊലീസ്. മനസ്സിനെ മരവിപ്പിക്കുന്ന 10 മര്ദന വിഡിയോകളാണ് ഫോണില് നിന്നു ലഭിച്ചതെന്നും പൊലീസ് പറയുന്നു. ഇതടക്കം അഞ്ചുവാർത്തകൾ ചുവടെ:
സംസ്ഥാനത്ത് അമീബിക് മസ്തിഷ്ക ജ്വരം ബാധിച്ച് രണ്ട് പേരുടെ മരണം കൂടി സ്ഥിരീകരിച്ചു. തിരുവനന്തപുരം, കൊല്ലം സ്വദേശികളുടെ മരണമാണ് സ്ഥിരീകരിച്ചത്. ഇതോടെ അമീബിക് മസ്തിഷ്ക ജ്വരം ബാധിച്ച് ഈ വർഷം മരിച്ചവരുടെ എണ്ണം 19 ആയി. ഈ മാസം 11ാം തീയതി സംഭവിച്ച മരണങ്ങളാണ് അമീബിക് മസ്തിഷ്ക ജ്വരം ബാധിച്ചാണെന്നു കണ്ടെത്തിയത്. തിരുവനന്തപുരത്ത് 52കാരിയും കൊല്ലത്ത് 91കാരനുമാണ് മരിച്ചത്.
ഏഷ്യാ കപ്പില് ഇന്നലെ നടന്ന ഒമാനെതിരായ പോരാട്ടത്തില് യുഎഇയ്ക്ക് തകര്പ്പന് ജയം. 42 റണ്സിനാണ് അവര് ജയം സ്വന്തമാക്കിയത്. ആദ്യം ബാറ്റ് ചെയ്ത യുഎഇ നിശ്ചിത ഓവറില് 5 വിക്കറ്റ് നഷ്ടത്തില് 172 റണ്സെടുത്തു. മറുപടി പറഞ്ഞ ഒമാന്റെ പോരാട്ടം 18.4 ഓവറില് 130 റണ്സില് അവസാനിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates