തിരുവനന്തപുരം: ഹയര്‍ സെക്കന്ററി, വൊക്കേഷണല്‍ ഹയര്‍ സെക്കന്ററി പ്രാക്ടിക്കല്‍ പരീക്ഷകള്‍ മാറ്റി. കോവിഡ് വ്യാപനത്തിന്റെ പശ്ചാത്തലത്തിലാണ് സര്‍ക്കാര്‍ നടപടി. പുതുക്കിയ തീയതി പിന്നീട് അറിയിക്കും. ബുധനാഴ്ച തുടങ്ങാനിരുന്ന പരീക്ഷകളാണ് മാറ്റിയത്.
കോവിഡ് വ്യാപനത്തിന്റെ പശ്ചാത്തലത്തില്‍ പ്രാക്ടിക്കല്‍ പരീക്ഷകള്‍ മാറ്റണമെന്ന് ആവശ്യമുയര്‍ന്നിരുന്നു. നിലവില്‍ നടന്നുവരുന്ന പരീക്ഷകള്‍ ഇന്നുപൂര്‍ത്തിയാകും. ഹോം സയന്‍സ്, സ്റ്റാറ്റിറ്റിക്‌സ്. ഗാന്ധിയന്‍ സ്റ്റഡീസ്, ഫിസോസഫി, ജേണലിസം, കമ്പ്യൂട്ടര്‍ സയന്‍സ് വിഷയങ്ങളിലാണ് ഹയര്‍ സെക്കന്ററി രണ്ടാം വര്‍ഷ പരീക്ഷ. വിഎച്ച്എസ്ഇയില്‍ വൊക്കേഷണല്‍ തീയറിയാണ് പരീക്ഷ.
4,46,471 ലക്ഷം വിദ്യാർഥികളാണ് ഇക്കുറി ഹയർ സെക്കന്ററിപരീക്ഷ എഴുതുന്നത്. വിഎച്ച്എസ്ഇ പരീക്ഷ 28,565 പേർ എഴുതുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates