കണ്ണൂര്‍ : ചൈല്‍ഡ് വെല്‍ഫെയര്‍ കമ്മിറ്റി ചെയര്‍മാനെതിരെ പൊലീസ് പോക്‌സോ കേസെടുത്തു. പരാതി പറയാനെത്തിയ പെണ്‍കുട്ടിയോട് മോശമായി പെരുമാറിയതിനാണ് കേസെടുത്തത്. പെണ്‍കുട്ടി മജിസ്‌ട്രേറ്റിന് നല്‍കിയ രഹസ്യമൊഴിയുടെ അടിസ്ഥാനത്തിലാണ് കണ്ണൂർ സി ഡബ്ലിയു സി ചെയർമാനെതിരെ തലശ്ശേരി പൊലീസ് കേസെടുത്തത്.
ഒക്ടോബര്‍ 21 നാണ് കേസിന് ആസ്പദമായ സംഭവം ഉണ്ടായത് പീഡനപരാതിയുമായി ബന്ധപ്പെട്ട് കുട്ടിയെ വിളിച്ചു വരുത്തി ചൈല്‍ഡ് വെല്‍ഫെയര്‍ കമ്മിറ്റി ചെയര്‍മാന്‍ മൊഴിയെടുക്കുകയായിരുന്നു. മൊഴിയെടുക്കലിനിടെ ഇദ്ദേഹം മോശമായി പെരുമാറിയെന്നാണ് പരാതി.
സംഭവത്തിന് ശേഷം പെണ്‍കുട്ടി മജിസ്‌ട്രേറ്റിന് രഹസ്യമൊഴി നല്‍കുകയായിരുന്നു. തുടര്‍ന്ന് ചൈല്‍ഡ് വെല്‍ഫെയര്‍ കമ്മിറ്റി ചെയര്‍മാനെതിരെ കേസെടുക്കാന്‍ മജിസ്‌ട്രേറ്റ് പൊലീസിന് നിര്‍ദേശം നല്‍കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates