വയനാട് കല്പറ്റയില് പതിനാറുകാരനെ ക്രൂരമായി മര്ദിച്ച സംഭവത്തില് ഒരാള്കൂടി പിടിയില്. പതിനെട്ടുകാരനായ കല്പറ്റ സ്വദേശി നാഫിലാണ്അറസ്റ്റിലായത്. കേസില് പ്രായപൂര്ത്തിയാകാത്ത രണ്ടുപേരെ നേരത്തേ പിടികൂടിയിരുന്നു. ഇതോടെ സംഭവത്തില് പിടിയിലായവരുടെ എണ്ണം മൂന്നായി. മര്ദനത്തിന്റെ നടുക്കുന്ന ദൃശ്യങ്ങള് പുറത്തുവന്നതിന് പിന്നാലെയാണ് നടപടി.
കൈകൊണ്ടും വടികൊണ്ടും അടിക്കുകയും കാലുകൊണ്ട് മുഖത്തുള്പ്പെടെ ചവിട്ടുന്നുമുണ്ട്. അടിച്ചത് മതിയെന്ന് മറ്റൊരു കുട്ടി വിളിച്ചുപറയുന്നുണ്ടെങ്കിലും വകവയ്ക്കാതെ തുടര്ന്നു. പതിനാറുകാരനെക്കൊണ്ട് കാലുപിടിച്ച് മാപ്പ് പറയിക്കുന്നുമുണ്ട്. കഴിഞ്ഞ 21നായിരുന്നു സംഭവം.
മര്ദനത്തിന്റെ ദൃശ്യങ്ങള് പുറത്തുവന്നതോടെയാണ് വീട്ടുകാരുള്പ്പെടെ വിവരം അറിയുന്നത്. ദൃശ്യം ശ്രദ്ധയില്പ്പെട്ട കല്പ്പറ്റ പൊലീസ് മര്ദനമേറ്റ കുട്ടിയുടെ രക്ഷിതാക്കളെ വിളിച്ചുവരുത്തി. എന്നാല്, കുട്ടി വീട്ടില് പറഞ്ഞിരുന്നില്ല. പൊലീസ് വിളിച്ചപ്പോഴാണ് രക്ഷിതാക്കള് മകന് മര്ദനമേറ്റത് അറിഞ്ഞത്. രക്ഷിതാക്കള് നല്കിയ പരാതിയില് പൊലീസ് കേസെടുത്തു. പ്രായപൂര്ത്തിയാകാത്തവര് ആയതിനാല് കസ്റ്റഡിയിലെടുക്കുകയും ജുവനൈല് ജസ്റ്റിസ് ബോര്ഡ് മുന്പാകെ ഹാജരാക്കി കൗണ്സിലിങ് ഉള്പ്പെടെയുള്ള കാര്യങ്ങള്ക്കായി ചൈല്ഡ് വെല്ഫെയര് കമ്മിറ്റിയെ എല്പ്പിക്കുകയും ചെയ്തിട്ടുണ്ട്. കൂടുതല് അന്വേഷണം നടത്തുമെന്ന് പൊലീസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates