പത്തനംതിട്ട: വെച്ചൂച്ചിറയില്‍ പ്രണയത്തില്‍ നിന്ന് പിന്മാറിയതിന് ഭീഷണിപ്പെടുത്തിയതായി യുവതിയുടെ പരാതി. വീട്ടില്‍ അതിക്രമിച്ച് കയറുകയും അസഭ്യം പറയുകയും ചെയ്തതായി യുവതിയുടെ പരാതിയില്‍ പറയുന്നു. സ്വകാര്യസംഭാഷണ ദൃശ്യങ്ങള്‍ പ്രചരിപ്പിക്കുമെന്നും ഭീഷണിപ്പെടുത്തി. യുവതിയുടെ പരാതിയില്‍ എരുമേലി സ്വദേശി ആഷിക്കിനെ വെച്ചൂച്ചിറ പൊലീസ് കസ്റ്റഡിയിലെടുത്തു.

പരാതിക്കാരിയും യുവാവ് സഹപാഠികളായിരുന്നു. ഇരുവരും പ്രണയത്തിലുമായിരുന്നു. യുവതി പഠിക്കാന്‍ വിദേശത്തേയ്ക്ക് പോകാന്‍ തയ്യാറെടുക്കുന്നതിനിടെയാണ് ആഷിക്ക് ഭീഷണിപ്പെടുത്തിയതെന്ന്് പരാതിയില്‍ പറയുന്നു. യുവാവിന്റെ ചില ദുഃശീലങ്ങളും ബന്ധത്തില്‍ വിള്ളല്‍ വീഴ്ത്തിയതായി യുവതിയുടെ പരാതിയില്‍ പറയുന്നു.

കഴിഞ്ഞദിവസം എരുമേലിയില്‍ വച്ച് ഇരുവരും കണ്ടുമുട്ടുകയും വഴക്കിടുകയും ചെയ്തു. ഓട്ടോറിക്ഷയില്‍ വീട്ടിലേക്ക് പോകാന്‍ തയ്യാറെടുത്ത യുവതിയെ തടഞ്ഞുനിര്‍ത്തി അസഭ്യം പറഞ്ഞു. ശേഷം യുവതിയുടെ വീട്ടില്‍ അതിക്രമിച്ച് കയറി യുവാവ് ഭീഷണിപ്പെടുത്തിയെന്ന് പെണ്‍കുട്ടിയുടെ പരാതിയില്‍ പറയുന്നു. സ്വകാര്യസംഭാഷണ ദൃശ്യങ്ങള്‍ പ്രചരിപ്പിക്കുമെന്നും യുവാവ് ഭീഷണിപ്പെടുത്തിയതായി യുവതി പരാതിയില്‍ പറയുന്നു. പിന്നാലെ പൊലീസില്‍ യുവതി പരാതി നല്‍കുകയായിരുന്നു.