തൃശൂർ: തെരഞ്ഞെടുപ്പ് പരാജയത്തെത്തുടര്‍ന്ന് കോണ്‍ഗ്രസില്‍ വീണ്ടും പോസ്റ്റര്‍ പ്രതിഷേധം. തൃശൂര്‍ നഗരത്തില്‍ കെ മുരളീധരനെ അനുകൂലിച്ച് രാവിലെ പോസ്റ്ററുകള്‍ പ്രത്യക്ഷപ്പെട്ടു. മുരളീധരനെ വിളിക്കൂ കോൺഗ്രസിനെ രക്ഷിക്കൂ എന്നാണ് പോസ്റ്ററുകളിലുള്ളത്. യൂത്ത് കോൺഗ്രസ് - കെഎസ്യു കമ്മിറ്റിയുടെ പേരിലാണ് പോസ്റ്ററുകള്‍.
കൊല്ലത്ത് കെപിസിസി വൈസ് പ്രസിഡന്റ് ശൂരനാട് രാജശേഖരനെതിരെയും പോസ്റ്റര്‍ പ്രതിഷേധം. പാര്‍ട്ടിയെ ആര്‍എസ്എസിന് വിറ്റ ശൂരനാടിനെ പുറത്താക്കണമെന്നാണ് ആവശ്യം. സേവ് കോണ്‍ഗ്രസ് എന്ന പേരിലാണ് പോസ്റ്റര്‍. പോസ്റ്റര്‍ പതിച്ചിരിക്കുന്നത് 'സേവ് കോണ്‍ഗ്രസ് ' എന്ന പേരിലാണ്. ഡിസിസി പ്രസിഡന്റ് ബിന്ദു കൃഷ്ണയ്ക്കെതിരെ ഇന്നലെ പോസ്റ്റര്‍ പതിച്ചിരുന്നു.
അതേസമയം തദ്ദേശതെരഞ്ഞെടുപ്പില്‍ കനത്ത പരാജയം നേരിട്ട കോണ്‍ഗ്രസ് ജില്ലാ കമ്മറ്റികള്‍ക്കെതിരെ നടപടി വന്നേക്കുമെന്നാണ് റിപ്പോര്‍ട്ടുകള്‍.തിരുവനന്തപുരം കൊല്ലം പാലക്കാട് എന്നിവയാണ് പട്ടികയിലുള്ളത്. മധ്യകേരളത്തില്‍ നഷ്ടപ്പെട്ട മതന്യൂനപക്ഷ വോട്ടുകള്‍ തിരികെ കിട്ടാന്‍ ഉമ്മന്‍ചാണ്ടിയെ നേതൃനിരയിലേക്ക് കൊണ്ടുവരണമെന്ന ആവശ്യവും ശക്തമാണ്. കേരളത്തിന്റ ചുമതലയുള്ള താരിഖ് അന്‍വര്‍ 27ന് സംസ്ഥാനത്തെത്തി നേതാക്കളുമായി ചര്‍ച്ച നടത്തിയശേഷം ഇക്കാര്യങ്ങള്‍ തീരുമാനിക്കും
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates