തിരുവനന്തപുരം: ഡിജിപിയുടെ വീട്ടിലേക്കുള്ള മഹിളാ മോർച്ച പ്രതിഷേധത്തിൽ മൂന്നു പൊലീസുകാർക്ക് സസ്പെൻഷൻ. ഡിജിപിയുടെ വീട്ടിൽ ഗാർഡ് ഡ്യൂട്ടിയിലുണ്ടായിരുന്ന ആർആർആർഎഫിലെ പൊലീസുകാരായ മുരളീധരരൻ നായർ, മുഹമ്മദ് ഷെബിൻ, സജിൻ എന്നിവർക്കെതിരെയാണ് വകുപ്പ് തല നടപടിയെടുത്തത്. 

ഉദ്യോ​ഗസ്ഥർക്ക് സുരക്ഷാ വീഴ്‌ചയുണ്ടായെന്ന് ചൂണ്ടിക്കാട്ടിയാണ് ഡിഐജി സസ്പെൻഡ് ചെയ്തത്. ഡിജിപിയുടെ വീട്ടിലേക്ക് മഹിളാ മോർച്ചാ പ്രവർത്തകർ അതിക്രമിച്ചു കയറുകയും പ്രതിഷേധിക്കുകയും ചെയ്‌തിരുന്നു. ഇവരെ സ്ഥലത്ത് നിന്നും മാറ്റുന്നതിന് വളരെ ബുദ്ധിമുട്ടിയിരുന്നു. 
പിന്നീട് പൊലീസെത്തിയാണ് ഇവരെ ബലംപ്രയോ​ഗിച്ച് നീക്കിയത്.

ഡിജിപിയുടെയോ ഉന്നത ഉദ്യോഗസ്ഥരുടെയോ അനുമതിയില്ലാതെയാണ് പൊലീസുകാർ ഗേറ്റ് തുറന്നതെന്നും നടപടി പൊലീസിന്റെ പേരിന് കളങ്കമുണ്ടാക്കിയെന്നും സസ്പെൻഡ് ചെയ്തു കൊണ്ടുള്ള ഉത്തരവിൽ പറയുന്നു.

ഈ വാര്‍ത്ത കൂടി വായിക്കൂ 

ഗണേഷ് കുമാറും കടന്നപ്പള്ളിയും മന്ത്രിമാര്‍; അന്തിമ തീരുമാനം നാളെ, പ്രഖ്യാപനം ഇടത് മുന്നണി യോഗത്തില്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ